Bjargvætturinn Laufey

Klúður - ný síða

2008-04-15T22:03:00.002Z

Eins og glöggir lesendur hafa eflaust tekið eftir þá er bloggið búið að vera aðeins öðruvísi útlítandi síðustu daga en venjulega. Ég var að fikta eitthvað í stillingunum á blessuðu blogspotinu og tókst á einhvern undraverðan hátt að eyða út öllum linkum og stillingum og kommentakerfinu eins og það lagði sig. Snillingur! ...I know!

Í stað þess að fara í gagngerar endurbætur og lífgunartilraunir þá ætla ég að færa mig um set. Skella mér á nýtt blogg sem er auðveldara í umgengni en blogspotið. Er búin að vera að spá í þessu í þónokkurn tíma en aldrei haft almennilega ástæðu. Núna hef ég hana fyrst mér tókst að klúðra þessu svona.

Nýja síðan er laufeykristin.bloggar.is. Þið kíkið á það...

Með þessum orðum þá kveð ég hérna að sinni.
Bless bless elsku Blogger, samfylgdin hefur verið ljúf þessi 4 ár.

Sushi og Edinborgarferðin

2008-04-14T18:52:00.003Z

Ég er komin með sushi-blæti á mjög háu stigi. Ást mín á hráa fisknum hefur farið stig vaxandi og gerði óléttan ekkert nema að magna upp lystina. Ég gæti nánast borðað sushi í hvert mál á þessari stundu og þá er sko ekkert annað að gera en að læra að búa það til. Fór í gær og fjárfesti í bók um þessa merku iðju og svo morgun keypti ég mottur til að rúlla og ýmislegt annað sem er nauðsynlegt. Stefni að sushi-making helst sem allra fyrst. Verst að það sé ekki hægt að gera BA ritgerð um sushi, þá væri ég pottþétt byrjuð að skrifa. Annars er þetta allt að gerast, í þessum töluðu situr maður á bókhlöðunni góðu og er að byrja að setja sig í stellingar. Náttúrulega ekki hægt að byrja án þess að blogga pínu fyrst...

Það styttist alltaf og styttist í ferðina okkar til Edinborgar. Okkur er vægast sagt farið að hlakka til. Litla skottan komin með vegabréf og drög að innkaupalista komin í hugann. Árni Þóroddur ætlar svo líklega að fljúga frá London og hitta okkur og fá að gista hjá elsku Guðnýju líka. Mikið verður þetta skemmtilegt hjá okkur! Hlakka voða mikið til. Guðný er orðin svo rosalega sjóuð í því að taka á móti fólki, er búin að vera að kynna sér staðhætti og preppa sig í leiðsögumannshlutverkinu, smakka alla kokteilana og komast að því hver er bestur og svona. Bara tvær helgar og svo er maður kominn!

Ég er annars svo ýkt ýkt spennt yfir ameríkuferðinni. Er alltaf að sjá það meira og meira hvað það er mikil snilld að fara út núna. Fullkomin tímasetning.

Morgunútrásin

2008-04-11T07:23:00.002Z

Ok ok...

No. 1
Mér finnst nýja lagið og myndbandið hjá Mercedes Club ekki vera að gera sig. Miðað við allar yfirlýsingarnar um að þetta yrði mest sexy myndband allara tíma þá varð ég fyrir vonbrigðum. Það skín líka svo rosalega í gegn hvað þetta er sponsað að það er hálf ósmekklegt. Þetta er næstum því eins og þegar Buttercup gerði myndbandið inni í Hagkaup í Smáralind.

No. 2
Hvað er eiginlega að gerast með þetta efnahagslíf? Seðlabankinn með hálfgerða heimsendaspá og Dabbi að fara hamförum í vaxtahækkunum. Algerlega ekki að leggja sig fram um að lenda hagkerfinu mjúklega. Því eins og hagfræðingurinn Calvo sagði þá er það ekki sveiflurnar sem er alvarlegastar heldur snögghemlun hagkerfisins. "It is not the speed that kills, it is the sudden stop"

Eeeeeeeen af því það er föstudagur og alveg að koma helgi og stuð og svona þá er hérna uppáhaldið mitt! Can´t touch this... Hammer time!! Djöfull var hann meðetta...

Mér finnst...

2008-04-10T08:46:00.003Z

Ein sem er með mér í mömmuklúbbnum benti okkur á Mér finnst á ÍNN sem er spjallþáttur með Björk Jakobs og Kolfinnu Baldvins. (...af hverju ætli hún sé kölluð Baldvinsdóttir? Heitir pabbi hennar ekki Jón Baldvin?) Ég er búin að vera að horfa á nokkra þætti á veftv-inu hjá visir.is og finnst þetta alveg rosalega skemmtilegt. Þær eru alveg svaka skemmtilegar þessar konur og fá oft mjög áhugaverðar konur til sín í spjall. Ég mæli með þessu.

Snjór!!!

2008-04-09T08:49:00.002Z

Maður er ekki fyrr búin að ákveða að vorið sé komið þegar það fer að snjóa aftur. Það sem verra er er að ég gerði gott betur en að ákveða að vorið væri komið. Ég tók mig til og sjænaði svalirnar hjá mér og gerði þær sólar-friendly. Sópaði allt hátt og lágt, henti rusli og þvoði tauið af stólunum. (Ég byrjaði reyndar á því að taka jólaskrautið af svölunum, ehemmm) Akkúrat þegar ég var búin að raða öllu fínt og setja tauið aftur á stólana þá byrjar að snjóa. Týpískt.

Letilíf

2008-04-08T21:04:00.002Z

* Magnea er búin að fara í 5 mánaða skoðun. Hún var orðin 66 cm og 7,6 kg. Orðin þvílíkur bolti. Aðalstuðið þessa dagana er að halda í tásurnar á sér og helst reyna að stinga þeim upp í sig. Það hefur oft tekist.

* Er búin að komast að því að mömmuhlutverkið hefur gert mig að meiri feminista. Miklu meiri feminista. Fór meira að segja á fund hjá Feministafélaginu um daginn sem var heljarinnar stuð.

* Ég, Indriði og Magnea erum að fara til Edinborgar í heimsókn til Guðnýjar. Fljúgum út 1. Maí og aftur heim 4. Litla bollan er búin að sækja um vegabréf og allt. Stefnir á að verða mikill heimsborgari.

* Ritgerðarvinnan er aðeins komin af stað. Held reyndar að ég reyni að skipta um efni, finnst þetta sem ég var búin að velja ekki alveg nógu spennandi. Allavegana ekki nógu spennandi til að ég byrji á ritgerðinni, sem er verra.

* Finnst Samfylkingin vera að koma voða illa út úr stjórnarsamstarfinu við Sjálfstæðisflokkinn. Nett Framsóknar yfirbragð yfir gagnrýninni sem flokkurinn hefur fengið á sig síðustu daga bæði út af álvers- og einkaþotumálum. Spurning hvaða flokkur fer hættir sér næst í samstarfið með D.

* Það kviknaði í húsi hérna rétt hjá um daginn. Það fylltist hérna gatan af sjúkrabílum, löggubílum og slökkvubílum. Maður fékk nú nettan hjartslátt með skvísuna sofandi hérna á svölunum. Það tók sem betur fer stuttan tíma að slökkva eldinn.

* Erum búin að setja inn nýjar myndir á myndasíðuna

Hóst hóst

2008-03-27T21:54:00.003Z

* Ég er komin með flensu sem var alls ekki efst á óskalistanum.

* Við erum búin að fá svar um styrkinn og auðvitað fengum við JÁ! Þannig að við erum að fara til Seattle næsta haust. Je baby! Strax búin að heyra af öðru pari sem er að fara út líka.

* Margt sem þarf að gerast áður en við getum flutt. Mega paperwork framundan, allskonar leyfi og stimplar og allt þetta sem þarf að redda. Svo þarf að selja íbúð og bíl, koma dóti í geymslu osfrv. Svo ekki sé talað um ritgerðina sem ég á eftir að skrifa og prófið sem ég á eftir að taka.

* Ég hlakka ýkt til að horfa á Lipstick Jungle sem er að fara að byrja á Skjá einum. Og svo má náttúrulega ekki gleyma að Greys er að fara að byrja aftur líka. Hæðin er nú ekkert alveg að slá í gegn, Mannaveiðar fara vel af stað og ég hlakka ofsa til að sjá fyrsta þáttinn af Svalbarða. A lot to do in the TV department.

* Vorum að setja inn nýjar myndir á myndasíðuna síðan um páskana.

Páskaungi

2008-03-23T18:14:00.002Z

* Við erum búin að fá jákvætt svar frá UW í Seattle, Washington, USA og því lítur út fyrir að við séum að fara að vera ameríkanar í ágúst. Svar við styrkumsókninni er reyndar ekki komið eeeeen við erum voða viss um að við fáum já við því líka.

* Erum búin að vera á Króknum í góðu yfirlæti og fjölskyldufíling frá því á þriðjudaginn. Búin að borða yfir okkur af allskyns góðgæti og hitta alla family og hafa það gott.

* Maður skellti sér á ball með Paul Oscar á miðvikudagskvöld á Barnum á Sauðárkrók. Sólveig lagði undir sig foreldrahús og bauð meira að segja til teitis fyrir ballið. Það var auðvitað ógnarmikið stuð og læti og skemmtum við píurnar okkur konunglega.

* Búin að fara 2x á skíði í Tindastóli. M litla svaf eins og steinn í vagninum fyrir neðan lyftuhúsið á meðan foreldrarnir fóru hverja ferðina á fætur annarri. Geðveikt veður, ekkert of margir í brekkunni og æðislegt skíðafæri. Tók reyndar nokkrar ferðir að dusta rykið af skíðakunnáttunni en það hafðist. Seinni daginn skíðaði frúin eins og enginn væri morgundagurinn og brunaði niður brekkurnar á ógnarhraða.

* Erum núna komin í sveitina heim til mömmu og pabba. Búin að fara í gönguferð og sýna unganum hunda, kindur, kálfa, kýr og kisur. Labba í fjörunni, taka margar margar myndir og borða á okkur gat.

* Indriði fer svo í bæinn á morgun og við skvísur verðum hérna eftir. Áætluð koma í höfuðborgina er svo seinnipartur miðvikudags.

* Það stefnir svo í svakalegt páskaeggjaát í kvöld. Aldrei þessu vant hef ég getað stillt mig um að ráðast á páskaeggið þangað til á páskadag. Kannski af því ég og husbandið eigum eitt egg saman og hann er mjög harður prinsip-maður.

* Gleðilega páska allir saman

Lífið

2008-03-10T08:42:00.003Z

* Ég fór í fyrsta skiptið út á föstudaginn frá lillunni minni. Ég og Ragga og nokkrar píur skelltum okkur á Rossopomodoro og kíktum svo á nokkra bari. Það var mega skemmtilegt og gaman að klæða sig aðeins upp, fara út og hitta fólk.

* Við Indriði fórum svo í leikhús á miðvikudaginn. Mamma, þessi elska, kom alla leið úr sveitinni og passaði litla öskurapann okkar. Hún fann alveg á sér þessi elska að við værum að fara að stinga af og öskraði allan tíman meðan við vorum í burtu. Já hún er ákveðin daman... Við sáum Kommúnuna sem var bara mjög skemmtileg, fínn húmor og allir voða berir, sem var áhugavert.

* Við kíktum líka í heimsókn til Kötlu, Reynis og tvíburanna á miðvikudaginn. Ekkert smá gaman að líta aðeins til þeirra.

* Við M kíktum svo í gær í heimsókn til Sólveigar, Hólmars og Karínar. Karín dúlla farin að labba eins og herforingi út um allt, alger dúlla.

* Tengdó er í heimsókn í Reykjavík núna. Búin að kíkja oft til okkar og knúsa M.

* Fórum með þeim í brunch á sunnudagsmorgun og kíktum svo í Kolaportið.

* Christína, Tristan og litli kúturinn kíktu í heimsókn til okkar á laugardaginn. Þeir bræður eru algerar dúllur og ekkert smá gaman að fá þau í heimsókn.

* Guðný kemur bráðum í heimsókn og Katrín kemur bráðum líka aftur heim. Újé!

* Við hjónin erum orðin svo æst yfir mögulegum flutningum til vesturheims að við erum að tryllast úr spenningi. Fáum vonandi svar um skólann í þessum mánuði.

* Ef einhvern langar til að vita hvað er að gerast í Glæstum vonum þá er hægt að spyrja mig. Það er allt að tryllast sko... og þetta er næstum því það mest spennandi sem er að gerast í mínu lífi núna.

* Annars er ég líka eitthvað að reyna að plana utanlandsferðir til að heimsækja útlendingana mína. Vonandi gengur það upp...

* Það eru komnar nýjar myndir á myndasíðuna. Allir að kíkja á það!

Árans plastbollar

2008-03-04T22:01:00.002Z

Ég er mjög sorgmædd yfir að Súfistinn sé horfin úr Máli og Menningu. Þetta var eitt uppáhalds kaffihúsið mitt, get setið þarna tímunum saman og lesið blöðin og drukkið yndislegan latte úr stóru stóru bollunum þeirra. Te og kaffi sem er komið þarna í staðinn er svo sem ekki alslæmt, það hefur tekist að halda nokkurn veginn sömu stemningunni, fyrir utan bollana. Ég meika svo engan veginn þessa plastbolla eða plastmál sem þeir eru að nota allsstaðar. Vill fá alvörukaffi í alvörubolla ...ekkert rugl! Ég er að vonast til að Súfistinn opni sem allra fyrst niðri í Iðu sem er víst planið að gera. Þar er sko lyfta og hægt að fara með barnavagn þar upp eins og ekkert sé.

Helgin helgin

2008-03-02T22:07:00.002Z

Já krakkar helgin er búin að vera tryllt!

Guðrún systir í heimsókn hjá okkur.
Ragga og Hörður í mat á laugardagskvöldið.
Sólveig, Hólmar og Karín í heimsókn hjá okkur í dag.

Núna situr maður fyrir framan imbann að hlaða batteríin og slaka á eftir annir helgarinnar.
Verkefni vikunnar er svo að reyna að sjá eins mikið af Röggu og company eins og hægt er, jóga á morgun, mömmuhittingur og fimleikar á þriðjudaginn, leikhús á miðvikudaginn og svo heldur þetta áfram...
Á föstudaginn er svo planið að kíkja út á lífið þannig að verkefni vikunnar er líka að finna outfit og smyrja á sig smá brúnkukremi. Ég vill alls ekki að gellurnar fái ofbirtu í augun út af óeðlilega hvítum hörundslitnum.

Gengur á með éljum...

2008-02-28T18:13:00.004Z

og erum við mæðgur þess vegna búnar að vera heima í dag. Okkar daglegi göngutúr féll niður sökum óveðurs og ófærðar á götum 101. Afleiðingin er höfuðverkur og slappleiki af inniverunni. Maður verður ekkert ýkt ferskur á því eftir að hanga inni heilan dag. Mér til dundurs hef ég helst horft á tv, sem er sennilega ekki til þess gert að minnka höfuðverkinn, og svo tók ég mig til og horfði á brúðkaupið okkar stráksins í tölvunni, good times maður! Hefði að sjálfsögðu getað nýtt tækifærið og byrjað á ritgerðinni, eða allavegana byrjað að googla efnið og lesa mér til en neinei ...gerum það bara seinna.

Friday á morgun sem þýðir að það er að koma helgi. Ragga og family loksins að koma til landsins og koma í matarboð hjá okkur á laugardaginn. Sólveig og family er svo að koma í kaffi til okkar á sunnudaginn, þannig að það verður ekki setið auðum höndum. Kolla og Raggi eignuðust lítinn strák í gær. Litli gaurinn var tekin með keisaraskurði á sjúkrahúsinu á Akranesi eins og stóra systir. Spurning hvort Indriði minn eignast nafna... Engin pressa samt :o) Innilegar hamingjuóskir frá okkur hér á Grettis til ykkar kæru vinir.

Litla M er farin að vakna 3x á nóttunni til að drekka, eða gerði það allavegana síðustu nótt. Byrjaði á að vakna 1x, færði svo upp á skaftið og fór að vakna 2x og núna síðast 3x. Vonandi lætur hún þar við sitja og fer ekki að vakna 4 eða 5x. Hélt að þróunin ætti að vera í hina áttina, að þau fækkuðu skiptunum, en svona er þetta víst stundum. Hún er annars algert yndi. Hlær, brosir og glóir af persónutöfrum og yndislegheitum. Maður getur ekki annað en brosað bara á móti og notið þess að eiga fallegasta og yndislegasta barn í heimi... (já ég veit að ég er hel-sjúk af first child syndrome eins og my good friend rags kallar það!)

Þetta er of fyndið...

2008-02-27T12:07:00.000Z

Að gefa af sér

2008-02-26T22:24:00.003Z

Við fjölskyldan erum orðin stoltir styrktarforeldrar Lucy Akello, lítillar 3ja ára stúlku frá Úganda. Er búin að vera að hugsa um að verða styrktarforeldri í langan, langan tíma og ákvað að drífa mig í því eitt kvöldið meðan ég var að tala við Röggu í símann. Mótíveruð af því að hún var nýbúin að velja sér sjálf barn á abc.is. Ég vil því nota tækifærið og kvetja alla til að gera slíkt hið sama. Síðan er mega einföld, þú getur valið land og valið barn. Þetta kostar ekki einu sinni svo mikið, 3.250 kr á mánuði, fyrir menntun, húsnæði og fæði. Búandi á alsnægtarlandinu Íslandi þar sem mann skortir aldrei neitt og neysluæðið er að trylla mann þá á maður að gefa af sér og hugsa til þeirra sem hafa það ekki eins gott og maður sjálfur. Litla Lucy á bráðum afmæli, verður 4ra ára þann 3. mars. Ég ætla þá að senda henni smá auka pening svo að það sé hægt að kaupa handa henni afmælisgjöf. Finnst ykkur hún ekki sæt?

Busy friday

2008-02-22T16:30:00.006Z

Ok so far í dag er ég búin að afreka:

1. lita á mér hárið
Gekk ekki alveg þrautarlaust. Lillan sofandi úti á svölum á meðan og þurfti ég nokkrum sinnum að hlaupa út í hurð og stinga upp í hana snuddunni með litabrúsan í annarri

2. lita á mér augabrúnirnar
Ekki hægt að vera með litað hár en ekki litaðar augabrúnir

3. horfa á Holiday
Svona á meðan ég beið eftir að liturinn virkaði

4. horfa á Bold and the beautiful
Fastur liður á morgnanna

5. fara í göngutúr með krúttunum mínum
Löbbuðum í bæinn og lillan svaf á meðan. Fengum okkur kaffi á Prikinu, keyptum 3 afmælisgjafir í Máli og Menningu og náðum í skóna mína úr viðgerð

6. fara í klippingu
Svo fínt að skella sér inn á Rakarastofuna á Klapparstíg, þarf ekkert að panta fyrirfram

7. fá mér nýjan hringitón í símann
Er sjúk í Haffa Haff og núna heyrist Wiggle Wiggle song þegar einhver hringir í mig. Újé!

8. blogga

...og dagurinn er bara rétt hálfnaður...

Svo er rosa prógramm framundan um helgina. Heimsóknir, afmæli og fimleikaæfing. Allt að gerast hjá frúnni.
Svona til að koma ykkur í gírinn fyrir helgina þá er hérna uppáhaldið mitt. Óþarfi að taka það fram að ég nánast grét þegar lagið datt út úr eurovision keppninni. Þótt það sé eiginlega of flott til að vera með í þessu ...alveg lang flottast!

Staðan

2008-02-21T21:02:00.004Z

Já staðan á málunum hjá frúnni í fæðingarorlofinu er s.s. þessi:

1. Megrunin:
Það má eiginlega segja status quo ...eða status vaxandi ...það gengur s.s. ekki alveg nógu vel.

2. Ritgerðin:
Blaðsíður lesnar: 0, Orð skrifuð: 0 ...Það gengur s.s. ekki heldur alveg nógu vel með það.

Hins vegar ef ég ætti að telja þvottavélar þvegnar eða bleyjur skiptar eða gönguferðir teknar eða sjónvarpsþættir séðir þá væri staðan önnur. Það er nefninlega aðeins öðruvísi að vera í fæðingarorlofi en ég hélt. Ég hélt að ég yrði ýkt dugleg að vera í megrun, ýkt dugleg að skrifa ritgerðina mína, ýkt dugleg að hitta fólk og fara í göngutúra (reyndar pínu dugleg í því) og svo hélt ég líka að ég myndi vera eins og jetsetter um allan heim í heimsókn hjá útlendingunum vinkonum mínum, en það er ekki að gerast heldur. Er ekki búin að panta mér eina einustu ferð út, en vona reyndar að það standi til bóta. Það stefnir nú í heimkomu hjá allavegana þremur á næsta mánuðinum þannig að kannski þarf ég ekkert að fara alveg strax. Hlakka ýkt ýkt ýkt til að fá þær allar heim. Miss you very much elsku Ragga, Guðný og Katrín!

MÓI dafnar voða vel. Er ýkt hress á því og stækkar og stækkar. Það eru allir velkomnir í heimsókn til heimavinnandi frúarinnar á Grettisgötunni til að líta á orminn. Við mæðgur erum æstar í selskap.

Myndir og Mói litli

2008-02-16T23:31:00.003Z

Vorum að setja inn nýjar myndir af litla englinum okkar. Allir að kíkja á þær. Ekkert ofsalega fjölbreyttar samt, skvísan okkar er uppáhaldsfyrirsætan hjá pabba sínum og nánast allar myndirnar af henni. Fórum með hana í 3ja mánaða skoðun á Valentínusardaginn. Hún fékk sprautu og góða einkunn hjá læknum og hjúkrunarfræðingum. Orðin 6,6 kg og 63 cm sem þýðir að hún er búin að þyngjast um rúm 3 kg og lengjast um 11cm á þremur mánuðum. Það er því ekki furða að þessi litlu skinn gráti stundum, það fylgja þessum ógurlega vexti örugglega einhverjir vaxtaverkir.

Ég hef annars alltaf hálf hlegið að foreldrum sem finnst barnið sitt það fullkomnasta, fallegasta og mest spennandi sem gerst hefur í heiminum síðan sneitt brauð. Alltaf bara glott út í annað og jánkað þegar foreldrarnir byrja lofræðurnar um börnin sín og hvað þau séu nú fullkomin og yndisleg og hálf lofað mér í hljóði að ég yrði nú ekki svoleiðis þegar mitt barn kæmi í heiminn. En getið nú bara... ég held að ég sé verst af öllum. Finnst í alvörunni ekkert barn fallegra en mitt barn og finnst hún í alvörunni yndislegust og klárust og skemmtilegust osfrv. Er alveg viss um að þetta á bara eftir að fara versnandi. Þið hafið þvi tolerance fyrir því þegar ég fer að tala um hvað hún sé nú örugglega klárust og gáfuðust og allt það. En eitt er víst að hún er alveg ofsalega sæt, finnst ykkur ekki?

Hef líka verið að velta fyrir mér hvað hún er í raun að koma til okkar á fullkomnum tíma. Þótt maður hefði nú viljað fá hana kannski aðeins fyrr þá passar þetta allt eitthvað svo vel núna. Við erum búin að gera nánast allt sem okkur langar til, allavegana það sem ekki er með góðu móti hægt að gera með barn, nánast búin með grunnnámið í Háskólanum og algerlega tilbúin í þetta. Kannski vorum við bara ekki tilbúin að takast á við þessa breytingu fyrr en núna. Eitt er þó víst að litla krúttið okkar var meira en velkomin í þennan heim.

Afmælis

2008-02-13T10:01:00.004Z

Elsku strákurinn minn átti afmæli á mánudaginn. Varð hvorki meira né minna en 29 ára. Bara eitt ár eftir sem tuttuguogeitthvað... Viku fyrir tvítugsafmælið hans þá fórum við að stinga saman nefjum fyrst, erum s.s. búin að eyða saman 9 árum, næstum því 1/3 af ævinni. Svo á laugardaginn síðasta þá varð litla skottan okkar 3ja mánaða. Hún braggast voða vel, er oftast voða þæg og góð hlær og hjalar en tekur svo auðvitað smá grát inni á milli.

Ég er mjög hneyksluð á þessu öllu Villa máli. Gamli góði Villi er algerlega búin að tapa viðurnefninu sem hann gaf sér sjálfur og ætti frekar að vera kallaður Villi viðurtann eða Villti tryllti Villi eins og Baggalútur lagði til. Greyið er ekki alveg að standa sig þessa dagana og maður getur varla annað en hálf vorkennt honum. Maðurinn komin í stöðuna sem hann var örugglega búin að vinna að að komast í í mörg ár. Loksins orðin borgarstjóri og svo klúðrar hann því svo svakalega korteri seinna að meira að segja flokksfélagarnir geta varla horft upp á hann. Svo er hann náttúrulega orðin svo gamall að hann á varla framtíð fyrir sér í einhverju öðru starfi en í borgarstjórninni. Það er því varla furða að hann ætli að sitja sem fastast þó að það rétta í stöðunni væri án efa að hann myndi segja af sér.

En ef við færum okkur yfir á léttari nótur þá verð ég nú eiginlega að segja frá fínu djúsvélinni sem ég festi kaup á um daginn. Hún er alger snilld, var á tilboði í Hagkaup á innan við 5þúsundkall og er búin að vera í stöðugri notkun síðan. Maður er búin að djúsa nánast allt í ísskápnum og komin með þessa fínu blöndu sem maður skellir í sig á hverjum degi nánast. Ég mæli með því að fólk fái sér svona. Brjálað hollt og gott.

Komnar inn nýjar myndir

2008-02-07T19:30:00.000Z

Allir að tjékka..

Fæðingarorlofið

2008-02-07T12:42:00.000Z

Já af því maður er í fæðingarorlofi þá horfir maður að sjálfsögðu á Glæstar á næstum hverjum degi. Ég sver það að allir handritshöfundarnir fyrir blessaðan þáttinn eru á eiturlyfjum. Og sko örugglega öllum eiturlyfjum sem eru til í heiminum. Ekki nóg með það að Brooke sé búin að vera með öllum Forrester karlmönnunum, og mörgum þeirra oftar en einu sinni, þá er sko búið að finna nýjan bróðir sem hún er núna ástfangin af. Og hey... hann var óvart giftur dóttur hennar en hún lét það sko ekki stoppa sig heldur stakk undan henni. Því þegar þetta er spurning um "true love" þá er allt leyfilegt... eða það er allavegana svoleiðis í blessuðun þáttunum. Þetta fer hreinlega að vera of steikt til að geta horft á. Það er í alvörunni spennandi hvernig er hægt að flækja þetta meira og búa til fleiri sambönd út úr þessum takmarkaða leikarahópi. Held samt að ég sé búin að sjá út næstu fléttu hjá þeim. Maður verður sko nokkuð góður í að lesa þættina þegar maður er búin að fylgjast pínu með. Ég held að næsta moove verði að Brooke verði ólétt og hún viti ekki hvort það sé eftir Ridge eða Nick. Ridge nefninlega nauðgaði henni um daginn en hún fyrirgaf honum, hún var búin að taka svo mikið af pillum. Og ákvað svo að sofa hjá Nick. Faðernismál eru nefninlega mjög heitt topic í þáttunum. Annar hver maður hefur verið rangfeðraður á einhverjum tímapunkti.

En svona að öðru aðeins málefnalegra þá er ég núna að lesa Frjáls eftir Ayaan Hirsi Ali og er bara nokkuð ánægð með hana. Var reyndar frekar lengi í gang með hana, var ekkert of æst yfir henni svona til að byrja með en núna er hún orðin afskaplega áhugaverð. Bara örfáar blaðsíður eftir...

Góðan daginn

2008-02-06T15:40:00.000Z

Update af Grettisgötunni:

* við erum komin aftur í bæinn
* fórum í skírn á síðasta laugardag
* hjá Árveigu Ólöfu og Bjarna Kristni Reynisbörnum
* þau eru ýkt miklar dúllur
* litli prins christínu og oddgeirsson er loksins komi í heiminn
* innilega til hamingju elsku vinir
* ég er búin að fara aftur í fimleikana
* mega skemmtilegt
* og búin að fara aftur í leshringinn minn
* og nokkrum sinnum í jóga
* elsku besta vinkona mín hún Ragga er að koma til landsins í heimsókn í lok mánaðarins
* ég hlakka ýkt mikið til að hitta hana og familyuna
* tengdó kemur í bæinn um helgina
* og þau ætla að passa litlu skvís fyrir okkur í smá stund
* hlakka ýkt til að fara eitthvað með stráknum mínum
* M er að fara í þriggja mánaða skoðun á fimmtudaginn
* hún er í alvörunni búin að vera til í þrjá mánuði
* men hvað tíminn flýgur
* ég er ekkert mikið byrjuð að ritgerðast
* eiginlega bara ekki neitt
* full time job að vera heimavinnandi
* íbúðin á neðri hæðinni er til sölu
* langar einhvern skemmtilegan að vera nágranni minn plís
* er komin með nóg af leiðindanágrönnum
* ég er búin að fá mér facebook
* en kann ekkert á það
* allir sem eru klárir mega senda mér tips á email um hvernig skal bera sig að
* ég borðaði rosa margar bollur á bolludaginn
* eiginlega of margar
* verð að vera tvöfalt duglegri að labba í staðinn
* allir sem vilja heimsækja okkur M eru velkomnir
* sérstaklega á daginn þegar við erum bara tvær einar í kotinu

Við ætlum að reyna að setja inn myndir í kvöld.

Yes I am alive...

2008-01-27T15:12:00.000Z

Jæja núna erum við á Sauðárkróki í sælunni hjá tengdó. Búin að eiga frábæra undanfarna daga. Fórum á miðvikudaginn í sumarbústað í Húsafelli og kúrðum þar í snjónum og huggulegheitum fram á laugardag. Brunuðum þá í sveitina og svo hingað á Krók. Verðum sennilega hérna fram á þriðjudag. M litla er búin að vera eiturhress undanfarna daga og hlær og skríkir eins og hún fái borgað fyrir það. Alveg merkilegt hvað þessi dúlla er sæt og vel heppnuð hjá okkur. Furða mig á þessu á hverjum degi. Svo margt búið að gerast undanfarna daga að ég ætla að taka punktana á þetta.

* Við erum skítléleg í handbolta.
* Ég horfði samtals á svona einn leik í allri keppninni.
* Ég var með svo mikla strengi um daginn að ég hélt að ég væri að verða veik.
* Fékk mér ibufen og lagaðist.
* Blessaðir fimleikarnir eru alveg að gera góða hluti.
* Ætla að mæta aftur á þriðjudaginn eftir viku pásu.
* Er líka búin að mæta nokkrum sinnum í Kramhúsið.
* Pólitíkin í borginni er gott efni í farsa.
* Finnst þetta næstum of steikt til að skrifa um.
* Er samt ýkt ánægð með mótmælin í Ráðhúsinu.
* Hefði mætt sjálf með M á handleggnum ef ég hefði ekki verið í vetrarríkinu í Húsafelli.
* Er ýkt óánægð með nýja borgarstjórann.
* Finnst DayB. svona milljón sinnum sætari en þessi bauga-taugahrúgu-kóngur.
* Greyið Heath Ledge bara dáinn.
* Britney Spears algerlega löngu búin að missa það.
* Fer ekki einhver að sprauta hana niður og loka hana inni?
* Brangelina kannski að fara að fjölga í international family um 2.
* Katrín vinkona er aftur farin af landinu og núna til Sviss.
* Guðný vinkona er ennþá hjá Pilsunum.
* Ragga er líka ennþá hjá Spanjólunum.
* Farið þið nú að skjótast heim stelpur og skella ykkur í kaffi á Grettisgötunni.
* Og svo er Bubbi Kóngur á leiðinni til Ameríku.
* Svo fáum við svar í apríl hvort við family séum á leiðinni til höfuðborgar Gruggsins.
* Mér langar rosalega til að fara og sjá Brúðgumann.
* Er búin með bókina mína, Það er staður í helvíti fyrir konur sem hjálpa ekki hver annarri
* Mæli með henni, hún er ýkt skemmtileg, áhugaverð og eiguleg.
* Er strax farin að hlakka til að hitta leshópinn minn.
* Við erum búin að kaupa okkur webcam.
* Og erum ýkt til í að spjalla við fólkið okkar í útlöndum á skype.
* Ég heiti laufey.skuladottir, endilega addið mér.

Luv L

Loksins eitthvað að gerast

2008-01-17T10:05:00.000Z

Já það er hálfgerð ládeyða stundum hérna hjá okkur á Grettisgötunni og ekki frá mörgu öðru að segja en bleyjuskiptum, dúrum og gönguferðum. En nú er annað hljóð komið í strokkinn og aldeilis margt búið að gerast.

Ég er loksins búin að ákveða hvað ég ætla að skrifa um í blessaðri BA rigerðinni og búin að finna mér leiðbeinanda. Er reyndar ekkert búin að gera meira en það en þetta er allavegana byrjunin. Ætla að fara að gera alvöru úr því að byrja á þessu strax í byrjun næsta mánaðar. Þá er nefninlega Indriði búin í fæðingarorlofi og við píur verðum tvær eftir heima. Við ætlum því að nota þennan hálfa mánuð sem við eigum eftir saman í orlofinu og njóta lífsins og gera helst ekkert annað.

Ég er líka byrjuð í leikfimi. Fór í Kramhúsið og keypti kort og er búin að fara í einn jóga tíma. Fór svo líka í fimleikatíma uppi í Salahverfi með Sólveigu og fleiri hressum píum. Það var tekið svo hressilega á því að dagurinn í gær var undirlagður af einum rosalegustu strengjum sem ég hef haft lengi. Næsti tími er á laugardaginn og ég ætla að mæta aftur og vona að ég verði hressari eftir það. Það er líka fyndið að sjá hvað maður er orðin ryðgaður í trampolínhoppi og þess háttar. Var alltaf frekar hress og klár í því back in the days en þeir dagar eru liðnir. Vonandi var þetta bara eitthvað sem þurfti að rifja aðeins upp og ég verði sprækari á laugardaginn.

Þetta eru ekki einu fréttirnar af mömmunni heldur er hún líka komin í þennan líka kröftuga feminíska leshring. Hittumst í gær og vorum búnar að lesa grein eftir Sigríði Þorgeirs sem heitir ""Eðli" kvenna". Næst ætlum við að lesa bók og hittast svo og spjalla um hana. Hún hljómar og lítur ýkt spennandi út og heitir "Það er staður í helvíti fyrir konur sem hjálpa ekki hver annarri". Er mjög spennt að byrja á henni.

Litla daman dafnar voða vel. Orðin 5,850 gr, hjalar og hlær og er alveg farin að halda haus. Hún er líka farin að sofa úti 2 blunda á dag. Annað hvort förum við með hana út í göngutúr eða að hún leggur sig í vagninum á svölunum. Hún verður alltaf fallegri og fallegri með hverjum deginum. Þótt okkur finnist það varla hægt að verða sætari þá tekst henni það einhvern veginn. Við erum endalaust að knúsa hana og kyssa og fáum ekki nóg af litla krúttinu okkar.

Svo eru komnar nýjar myndir á myndasíðuna.

Daglega lifið

2008-01-10T11:03:00.000Z

Núna þegar jólin eru búin og við komin aftur heim á Grettisgötuna þá er lífið aftur farið að taka á sig sína fyrri mynd. Markmið næstu vikna er að reyna að koma svefninum hjá M í einhverja rútínu. Pían hefur verið að sofa bara einhvern veginn hingað til. Stundum verið vælandi fram undir morgun og stundum sofið eins og engill. Það stefnir nú í að þetta verði ekkert ofsalega erfitt, skvísan er að verða svo rosalega vel upp alin. Annað sem er á todo-listanum er að koma sér af stað í einhverja hreyfingu. Er jafnvel að spá að skella mér í Kramhúsið, það er boðið upp á allavegana 3 gerðir af jóga sem mér finnst svolítið spennandi að prófa.

Indriði skellti sér til London um daginn, hitti Árna Þórodd og tók eitt próf fyrir umsóknina í háskólann úti. Við skvísur vorum á meðan í sveitinni hjá mömmu sem var afskaplega ljúft. Ég er búin að fá út úr báðum áföngunum sem ég kláraði núna fyrir jólin og er ég vægast sagt ánægð með útkomuna úr þeim. Svo er ég líka afskaplega ánægð með að vera búin að endurheimta tvær vinkonur mínar aftur frá útlöndum, er búin að hitta bæði Katrínu og Sólveigu síðustu daga. Ekki alveg eins ánægð með að vera búin að missa hana Guðnýju mína úr landi. Skvísan ákvað að rífa sig upp með allt sitt hafurtask og flytja búferlum til Skotlands eða Pilsalands eins og hún kallar það sjálf.

Annáll ársins 2007

2008-01-06T23:38:00.000Z

Janúar
Eftir að hafa skálað ótæpilega mikið og oft fyrir nýju ári var komið að skuldadögum. Detoxið tók við og heilbrigðari lífshættir voru settir á dagskrá. Maður byrjaði aftur í skólanum, var að vinna á Primavera aðra hverja helgi og skrifa í Stúdentablaðið. Svo var auðvitað kíkt á nokkrar útsölur, haldin matarboð og vinkonurnar hittar. Annars var Janúar half tíðindalítill mánuður. Það var kalt og þá á maður að halda sig inni í hlýjunni.

Febrúar
Í febrúar gerðist það helst að ég tók Greys maraþon, Anna Nicole Smith dó og Britney Spears varð geðveik. Indriði varð 28 og við fórum í tilefni af því í helgartripp á Búðir sem var mega rómó. Ég fékk sumarvinnu hjá HF Verðbréfum eftir stutta leit og fór í miðannarpróf. Svo gerðist nú ekki mikið meira enda var þetta nú frekar stuttur mánuður.

Mars
Hápunktur mánaðarins er án efa að komast að því að ég væri orðin ólétt. Fátt sem toppar það. Fór samt í skvísuferð til Köben með Margréti sem var mega stemmari. Fyrir utan að ég gat ekki drukkið eins marga kokteila og ég hefði viljað. Við Indriði fórum á Forma tónleikana á Nasa og ég táraðist við að sjá Björk og hlusta á hana syngja. Svo komst maður ekki hjá því að sinna skólanum aðeins.

Apríl
Við hjónin fórum norður um páskana og sögðum foreldrunum tíðindin af barnabarninu sem væri á leiðinni. Það var afskaplega skemmtilegt. Skólinn tók ennþá meiri tíma enda prófin að nálgast óðfluga. Ég skellti mér á Bjarkar tónleikana í Höllinni með Katrínu og táraðist meira og fékk gæsahúð. Mér tókst að týna símanum mínum þegar ég fór að hitta ljósmóðurina í fyrsta skiptið og þurfti þess vegna að fá mér þennan nýja gullfallega síma. Miðbæjarbruninn var án efa einn stærsta frétt mánaðarins en svo lenti Guðrún systir líka í bílslysi sem var líka stór frétt. Prófin byrjuðu og við fórum sáum Hjónabandsglæpi í Þjóðleikhúsinu.

Maí
Var brjálaður mánuður. Það voru kosningar, Eurovision, próf, ný vinna og rosa gott veður. Bumban fór sístækkandi og tókst mér að fá starfsmaður ársins verðlaunin þegar ég mætti fyrsta daginn í nýju vinnunni og tilkynnti að ég væri ólétt, ójá! Stemmari í því! Allt kosningastússið fór í taugarnar á mér, mania á hæsta stigi og eurovision kom manni svo sem ekkert á óvart. Við hjónin fórum í mega kosninga/euro partý hjá Binna og Birtu sem var stemmari.

Júní
Við komumst að því að við áttum von á lítilli prinsessu og vorum við að sjálfsögðu alveg á bleiku skýji með það. Ég, Christína og Ragga fórum með familyurnar í bústaðarferð, borðuðum og spiluðum og höfðum gaman. Bumban fór sístækkandi, sólin skein og lífið var ljúft.

Júlí
Það sem bar hæst í þeim mánuði var helgarferðin okkar á Snæfellsnesið. Það var voða gaman hjá okkur. Annars leið tíminn í sól og sumaryl í miðbænum. Ég hitti vinkonurnar, það var drukkið fullt af kaffi, slúðrað og hlegið.

Ágúst
Mánuðurinn leið með sól og sprelli. Um verslunarmannahelgina vorum við fyrir norðan í dekri hjá fjölskyldunum. Indriði var í Varsjá á menningarnótt og ég var heima með bumbuna og gerði ekki margt. Undir lok mánaðarins fórum við til Barcelona í sumarfríið okkar. Það var algert æði, margt skoðað, borðaður góður matur og haft það huggulegt.

September
Árni Þóroddur kom í heimsókn og fékk að gista hjá okkur og Stefán vinur hans. Við fórum norður í réttirnar og skólinn byrjaði.

Október
Rei málið stóra, borgarstjóraskiptin, undirbúningur fyrir komu skvísunnar og skólastússið voru helstu málin í mánuðinum. Dagarnir fóru að líðar hægar og hægar eftir því sem styttist í settan dag.

Nóvember
Hápunktur ársins var án efa í þessum mánuði, nánar tiltekið þann 09. Þá lét litla skvísan okkar loksins sjá sig eftir uþb 40 klst puð við að koma henni í heiminn. Magnea Ósk er gullmolinn okkar og algerlega fallegasta barn í heimi. Skólinn spilaði svo smá aukarullu, samt afskaplega litla.

Desember
Skólinn, próf, jólinn og endalaust knús hjá okkur í fjölskyldunni var það sem einkenndi Desember. Lítið stress, nema rétt í kringum ritgerðaskilin, rölt á Laugarveginum og svo bara dútl og dund hérna heima. Hvað er líka annað hægt að gera þegar maður á svona sæta fjölskyldu til að dunda sér með?

Áramótaheitin eru í vinnslu. Skelli þeim vonandi inn á morgun eða hinn…

Yfirferð yfir áramótaheit ársins 2007

2008-01-02T15:15:00.000Z

Í Janúar 2007 setti ég niður 10 atriði sem ég ætlaði að hafa sem leiðarljós á nýju ári og reyna eftir bestu getu að uppfylla. Það er nú ekki alveg víst að mér hafi tekist að uppfylla þau öll. Það gekk allavegana mun betur með sum en önnur.

1. Ég ætla að vera duglegri að læra
Veit ekki alveg hvort þetta tókst. Veit samt að mér tókst að ná 18 einingum á vorönninni og hækka meðaleinkunina. Hvort sem það hafi tekist með auknum lærdómi eða að ég hafi farið að fylgjast betur með í tímum veit ég ekki.

2. Ég ætla að vera ennþá betri við fólkið mitt
Ég vona að mér hafi tekist það.

3. Ég ætla að koma lagi á fjármálin
Veit nú ekki hvort það hafi tekist. Er allavegana með jafn háan yfirdrátt núna og fyrir ári síðan. Byrjaði reyndar að spara sem er skref í rétta átt.

4. Ég ætla að reyna að fara 2x til útlanda
Það tókst. Köben í febrúar með Margréti yfirskvísu og svo Barcelona í Ágúst með husbandinu.

5. Ég ætla að reyna að drekka minna kaffi og fá mér te í staðinn
Það tókst. Varð ólétt í febrúar og með sívaxandi brjóstsviða eftir sem leið á árið dró sjálfkrafa úr kaffidrykkjunni.

6. Ég ætla að reyna að drekka minna áfengi
Það tókst all hressilega.

7. Ég ætla að hætta að láta fólk fara í taugarnar á mér
Er alveg viss á því að það tókst ekki. Sumt fólk fer ennþá í taugarnar á mér

8. Ég ætla að hætta að taka nærri mér þegar fólk kemur illa fram við mig
Veit ekki hvort að það sé yfir höfuð hægt.

9. Ég ætla að lesa meira
Ætli ég hafi ekki lesið svona álíka mikið (lítið) í fyrra og oft áður.

10. Ég ætla að vera duglegri að hitta vini mína
Ég gerði allavegana mitt besta. Þreytan og slappleikinn sem fylgdi fyrstu og síðustu mánuðum óléttunnar settu þó örlítið strik í reikninginn.

Er svo að fara yfir bloggið og leggja drög að einhverskonar annál eða yfirferð yfir árið 2007. Svo er líka spurning að gera önnur áramótaheit... Stay tuned!

Komnar inn nýjar myndir

2007-12-27T23:20:00.000Z

Jólamyndirnar eru komnar inn á myndaalbúmið.
Allir að kíkja á það.

Jólin, jólin...

2007-12-26T01:15:00.000Z

Jólin hérna í sveitinni hafa verið æðisleg. Rólegheit og afslöppun eins og best verður á kosið. Þorláksmessa var með svipuðu sniði og venjulega, síðustu þrifin voru kláruð, nokkrar smákökur bakaðar og svo var auðvitað skreytt. Ég og Guðrún systir erum sérlegir skreytingameistarar og höfum mjög ákveðnar skoðanir á jólatrésskrautinu. Einkunarorð okkar eru: More is more og stöndum við okkur eins og hetjur í því að troða eins miklu skrauti á blessað tréð og hugsast getur. Það getur nefninlega verið hálf tricky svona undir restina að finna lausar greinar undir síðustu kúlurnar því eina reglan okkar er að það má ekki vera meira en eitt skraut á grein. Við höfum allavegana einhverjar reglur. Síðan var farið um allt hús með gamla skrautið sem safnast hefur í gegnum áranna rás, misjafnlega fallegt en allt með endlausa sögu. Hver hlutur á sér sinn stað þótt við systur höfum verið kærulausari þessi jólin með það en oft áður.

Á aðfangadag var svo soðið og borðað hangikjöt, með bestu lyst að sjálfsögðu. Þegar loksins átti að fara að borða sofnaði Magnea Ósk og svaf eins og engill þar til pakkarnir voru allir horfnir undan trénu. Litla krúttið fékk náttúrulega endalaust mikið af gjöfum, þótt hún hafi nú misst af því þegar þær voru opnaðar. Það er svo fyndið að hugsa til þess að næstu jól þá verður hún farin að hlaupa um og rífa kúlurnar af trénu og örugglega farin að segja nokkur orð. Mikið hlakka ég til.

Dagurinn í dag er svo búin að fara í ennþá meiri rólegheit. Harðskafi Arnaldar var tekin úr plastinu og er ég komin inn í hálfa bók. Hún verður kláruð á morgun. Við fengum okkur svo göngutúr um búið með Magneu í vagninum og kíktum á kálfa og kindur. Litla krúttið svaf af sér þessa fyrstu vettvangsferð og sá þess vegna ekki mikið af stórbýlinu. Svo er búið að spila Sequence sem Óli bróðir fékk í jólagjöf. Það er voða skemmtilegt spil og er ég ekki frá því að við kaupum okkur svoleiðis þegar við komum aftur suður. Indriði er búin að vera að lesa undir prófið sem hann fer í eftir áramótin. Er með voða þykka bók, How to crack the GRE, sem hann les samviskusamlega hvenær sem færi gefst.

Og daman fékk loksins nafn

2007-12-23T00:12:00.000Z

MAGNEA óSK

...var nafnið sem varð fyrir valinu á prinsessuna. Erum búin að eiga yndislegan skírnardag í faðmi fjölskyldunnar. Litla prinsessan er búin að haga sér eins og engill, svaf eiginlega í gegnum alla athöfnina og brosti bara þegar hún opnaði augun. Hún mótmælti nafninu ekkert, virkaði ofsa sátt og glöð með það, enda svo sem ekki við öðru að búast. Foreldrarnir voru nú búnir að máta það á hana undanfarna daga. Að sjálfsögðu var dagurinn myndaður í bak og fyrir og erum við búin að setja inn brot af því besta á myndasíðuna. Allir að kíkja á það!

Kveðja úr sveitinni
Laufey, Indriði og Magnea Ósk

Lokaspretturinn

2007-12-20T12:28:00.000Z

Já það er bæði lokaspretturinn á síðustu ritgerðinni í ár og lokaspretturinn fyrir jólin.

Á eftir að skrifa svona 500 orð í þessari blessuðu ritgerð. Beið með það alveg fram á síðustu stundu að byrja á henni. Það var allt of notalegt að vera í jólastússinu, baka og hafa það huggulegt með litla skottinu mínu. Það var þess vegna frekar erfitt að setjast aftur niður og byrja að skrifa þessa blessuðu ritgerð. Hún er samt langt komin núna og það ætti að hafast að skila henni í kvöld. Við ætlum svo að leggja í hann norður á bóginn á morgun þar sem það stendur til að gefa skvísunni nafn á laugardaginn. Mamma er búin að vera sveitt heima í sveitinni að prjóna skrínarkjól sem ég hlakka ótrúlega til að sjá.

Litli strumpurinn okkar búin að vera hálf pirruð eitthvað. Tók nokkrar nætur í röð þar sem hún orgaði frá miðnætti til svona fimm um morguninn. Erum búin að vera að mixa allskyns til að láta henni líða betur. Ég búin að taka fullt út af matseðlinum hjá mér, hún komin með dropa frá grasalækni og svo kom hérna höfuðbeina og spjaldhryggs-galdrakona í gær sem ég held að hafi gert útslagið. Allavegana var hún miklu betri í nótt heldur en í fyrrinótt og svaf bara eins og engill. Fórum með hana í skoðun í dag og hún er orðin 5,4 kíló, litli stubburinn alltaf að bæta á sig fleiri og fleiri fellingum.

Annars er jólaundirbúningurinn nokkurnveginn búin. Búin að skrifa jólakort og senda. Búin að kaupa flestar jólagjafirnar og pakka þeim inn. Búin að baka 3 smákökusortir og borða flestar kökurnar reyndar líka. Þannig að þetta er allt að smella.

Það eru svo komnar nýjar myndir inn á myndasíðuna.

...

2007-12-08T16:20:00.000Z

Skólastaðan:
2 ritgerðir af 3 tilbúnar.
Próf á mánudag og miðvikudag.

* Búin að komast að því að það er meira mál en maður heldur að eiga lítið barn og vera í skóla.
* Er ekki búin að vera að standa mig eins vel og ég hefði viljað.
* Sem er bæði vegna leti og anna í ummönnun ungans.
* Ég hlakka mega til jólanna.
* Get varla beðið heldur eftir að það komi 21. des og þetta allt verði búið.
* Við keyptum okkur græjur um daginn.
* Búin að blasta jólalögin nánast á hverjum degi í tilefni af því.
* Við erum búin að setja upp jólaseríur inni og úti og orðið voða jólalegt hjá okkur.
* Litla skottan okkar verður mánaðargömul á morgun.
* Sem er afskaplega merkilegt finnst mér.
* Hún dafnar ótrúlega vel.
* Er búin að þyngast um rúmt kíló á þessum mánuði sem hún er búin að vera til.
* Sem er pínu mikið fyrir svona lítinn böggul sem var bara 3,5 kíló fyrir.

Ég er alveg orðin sjúk í að laumulesa blogg og ætla því að deila með ykkur hérna tveimur uppáhalds:

Tvíburamamman hún Ragnhildur finnst mér afskaplega skemmtileg. Skrifar aðallega skemmtilegar sögur af dætrum sínum tveim og gullkornum sem falla af vörum þeirra, stafablöðum úr skólanum og fleira. Afspyrnu skemmtilegt allt saman.

Matgæðingurinn Nanna er nágranni minn hérna á þessum hluta Grettisgötunnar og afskaplega skemmtilegur penni. Skrifar um mat, dægurmálin og barnabörnin sín, Boltastelpuna og Sauðagæruna.

Endilega skoðið þetta.

Fleiri myndir

2007-12-02T23:00:00.000Z

Komnar aðeins fleiri inn á myndasíðuna. Erum svo að reyna að setja inn video af prinsessunni á Youtube. Kemur í ljós hvort okkur takist það seinna í kvöld.

Erum annars búin að eiga voða fína helgi. Guðrún og Óskar komu í heimsókn í gær og í dag og svo var stórfjölskyldan frá Króknum og mamma hérna fyrir helgina þannig að það er búið að vera voða mikið stuð hjá okkur. Lillan búin að vera frekar stillt bara fyrir utan gærkvöldið, skældi smá þá. Erum að vona að þessi magapína sé að verða búin. Svo er hún öll að steypast út í hormónabólum þessa dagana, voða rauðflekkótt greyið. Vonum að það fari aftur fljótlega.

3 vikur

2007-11-30T11:26:00.000Z

Já litli molinn minn er þriggja vikna í dag. Þessir dagar eru búnir að líða svo hratt mér finnst eins og í gær að hún hafi komið í heiminn. Mér finnst líka stundum eins og ég sjái hana stækka. Hún dafnar s.s. mjög vel, er farin að safna undirhöku og fellingum eins og vindurinn og verður meiri bolla með hverjum deginum sem líður. Enda finnst henni hvergi betra að vera en hangandi á bringunni á mömmu sinni. Hún er búin að vera með pínu magapínu undnfarna daga og hefur grátið voða sárt í verstu krömpunum. Sem foreldrunum finnst alveg hræðilega erfitt að hlusta á.

Fyrsta ritgerðin af 3 var kláruð í gær með dyggri aðstoð mömmu minnar. Litla dúllan er pínu sjúk í að láta halda á sér á daginn og mamma sá um það á meðan ég sat og skrifaði. Ef hún hefði ekki hjálpað mér þá hefði þetta aldrei tekist. Sem betur fer er Indriði komin í fæðingarorlof í næstu viku þannig að þá verður auðveldara að mixa það sem eftir er af skólanum. Mikið verð eg glöð 12. des þegar þetta verður allt búið.

Spenningurinn...

2007-11-27T10:26:00.000Z

Í dag snýst um hvort að flotta e-label peysan mín láti sjá sig með póstinum. Pantaði mér um daginn og er að vona að hún komi í dag. Var heillengi að velja mér, þetta er allt svo mega fínt hjá þeim þarna, en endaði á að panta mér Bursted balloon og er að vona að hún komi vel út.

Project dagsins er svo að reyna að komast eitthvað aðeins meira áleiðis með ritgerðina sem ég á að skila á fimmtudaginn.

Var svo að fatta að það er að koma Desember eftir örfáa daga. Alveg spurning að fara að dusta rykið af jólaseríunum og ljósaskreytingunum og skella þeim í gluggann. Dagarnir fljúga svo fljótt frá manni þessa dagana, maður fattar varla hvað tíminn líður hratt.

Komnar fleiri myndir

2007-11-23T21:34:00.000Z

Annars bara fínt að frétta.
Lillan dafnar vel.
Er reyndar búin að vera með pínu magapínu.
Mamma og pabbi voru í heimsókn áðan.
Við kíktum saman út í smá göngutúr í dag.
Keyptum garn í skírnarkjól sem mamma ætlar að prjóna á barnabarnið.
Annars bara snýst dagurinn meira og minna í kringum litlu píuna.
Og maður hefur svo sem ekkert afskaplega margt að segja fyrir utan sögur af henni.
Bleyjuskipti, blundar og brjóstagjöf.
Kannski betur um það síðar.

Ljúfa lífið

2007-11-18T15:55:00.000Z

Það er víst ábyggilegt að lífið verður aldrei eins og það var áður. Á einni nóttu kúventist allt og tók nýja og betri stefnu. Litla ljósið okkar dafnar ótrúlega vel, sefur og drekkur og lætur foreldrana snúast í kringum sig eins og hún lifandis getur. Sem er ekkert nema gott því okkur finnst ekkert skemmtilegra. Hún er samt ótrúlega vær og góð og vakir og spjallar á daginn og sefur nánast allar nætur inni á milli þess sem hún drekkur. Við fórum með hana í fyrsta skiptið út í vagninum þegar hún var vikugömul og tókum smá hring hérna í hverfinu. Vorum nú ekki lengi, þorðum því ekki ef hún færi nú að skæla og heimta að fá að drekka á miðjum Laugarveginum, en litla skottið svaf eins og engill og fílaði sig bara vel í fínu kerrunni. Svo er hún búin að fara tvisvar í sturtu með pabba sínum og fílaði það líka bara voða vel. Setjum örugglega inn fleiri myndir í kvöld eða á morgun.

Fleiri myndir

2007-11-13T22:02:00.000Z

Við erum búin að bæta inn aðeins fleiri myndum inn á myndasíðuna.
Albúmið er læst með lykilorði og þeir sem vilja aðgang vinsamlegast sendið póst á netfangið efst til vinstri á síðunni og við svörum um hæl.
Kveðja
Laufey, Indriði og litla skvís.

Myndir

2007-11-11T21:26:00.000Z

Nokkrar myndir af litlu dömunni.... fleiri myndir síðar.

Kraftaverkið okkar

2007-11-11T13:22:00.000Z

Takk kærlega fyrir allar fallegu kveðjurnar og smsin frá ykkur krúttin mín.

Já hún er loksins, loksins komin til okkar.
Litla undurfallega, fullkomna dóttir okkar.
Við erum gersamlega búin að vera í sjöunda himni og sitja og stara á litla kraftaverkið okkar.
Hún er það allra fallegasta sem við höfum nokkurn tímann augum litið.
Það tók á að koma henni í heiminn, klukkutímarnir voru margir og mamman orðin örþreytt undir það síðasta.
Þetta tókst samt að lokum með mikilli hjálp góðra manna og kvenna og smá þrautseigju.
Sársaukinn er að mestu gleymdur þótt við séum alls ekki að fara að gera þetta aftur strax.
Næturnar voru nokkrar svefnlausar í röð og erum við svona smám saman að skríða saman og safna orku aftur eftir átökin. Litla daman var þó eins og engill í nótt og leyfði foreldrunum að lúlla pínu.
Við ætlum að taka nokkra daga í að læra á hvort annað og kynnast og ná að jafna okkur eftir þetta allt saman áður en við tökum á móti fólki. Ætlum þess vegna að setja inn eins og eina eða tvær myndir seinna í dag til að svala forvitninni hjá helstu aðdáendunum.

Aftur kærar þakkir fyrir allar kveðjurnar
Luv Litla fjölskyldan á Grettisgötunni

+1

2007-11-06T15:39:00.000Z

Já hún er ekki stundvís daman. Enda svo sem ekki hægt að gera ráð fyrir því, ekki eru foreldrarnir stundvísir heldur. Þetta hlýtur nú samt að fara að koma bráðum, í versta falli eftir 13 daga. Þangað til er ég bara í því að leggja mig og horfa á tv. Skellti mér í smá leiðangur áðan, fór og hitti Bubbann á Kaffitár og svo husbandið í bakaríinu. Kíkti í 2 búðir og náði auðvitað að versla smá... enda ekki margt annað hægt að gera.

Svona í ljósi nýfenginnar áskrifar af Stöð2 þá verð ég nú að tjá mig um versta þáttinn sem ég hef hingað til horft á á þeirri ágætu rás. Vinningshafinn í hræðilegheitunum er án nokkurs efa hann Jói Fel og Ítalíu-ævintýri hans. Annan eins auglýsingaþátt hef ég aldrei á ævinni litið. Ég varð eiginlega svo hneyksluð að ég varð hálf reið. Ekki nóg með það að stöðin kosti í áskrift, það séu auglýsingar inni á milli í þættinum og að þátturinn sé sponsaður af ákveðnu fyrirtæki heldur er þátturinn hreinlega ein stór auglýsing á Ítalíu-vörunum frá Hagkaup. Það eina sem gaurinn gerir í þáttunum er að fylgja þessum vörum eftir, sjá hvar þær eru framleiddar og svo er náttúrulega endað á að elda upp úr þeim. Mér finnst þetta einfaldlega einum of gróft. Og ekki nóg með hvað þetta er allt sponsað og auglýst í botn heldur er gaurinn náttúrulega með því kjánalegra sem gerist. Með nýja, stolna tattooið sitt, í allt allt of litlu fötunum að þykjast vera kokkur þegar alþjóð veit að hann er bakari. Ég mæli með að fólk sleppi því að horfa á þennan þátt, hann er einfaldlega ekki þess virði.

Tomorrow, tomorrow...

2007-11-04T22:35:00.000Z

...þetta er sko ekki ég á myndinni...

Já ef skvísan er stundvís þá lætur hún sjá sig á morgun. Sem ég er voða mikið að vona að hún geri, er pínu komin á síðustu orkudropana hérna með þessa risa bumbu framan á mér.

Annars bara fínt að frétta. Við hjónin skelltum okkur á Nordica í morgun og fengum okkur brunch, sem var algert æði. Varð mér samt smá til skammar í leiðinni... með lobbyið fullt af Eve online nördum þá skunduðum við hjónin beint framhjá öllum sem á okkar vegi voru, opnuðum dyrnar að veitingastaðnum og ruddumst inn. Föttuðum ekkert að það var kannski ástæða fyrir því að það var lokað, það var eiginlega ekki búið að opna, og á eftir okkur kom hrúga af fólki sem við höfðum labbað beint framhjá og biðu kurteislega eftir að verða hleypt inn. Pínu vandró ...eeeen engin náttúrulega þorað að gera athugasemd við frekjuna í svöngu ófrísku konunni sem var komin í hlaðborðshaminn. Sem er reyndar punktur, ég hefði ekki þorað það heldur.

Helgin er líka búin að vera mega róleg hjá okkur. Búin að liggja í hrúgu í sófanum fyrir framan sjónvarpið örugglega svona 80% af tímanum og hafa það huggulegt. Enda svo sem ekkert annað að gera þegar veðrið er eins og það er búið að vera og maður kemst ekki í nein föt lengur. Labbaði t.d. út í 11-11 áðan á náttbuxunum, alveg eðlilegasti hluturinn í heimi. Keypti líka heilan höldupoka af ís og nammi ...og uppskar miklar augnagotur hjá afgreiðslustúlkunni í kjölfarið. Langaði mest að segja henni að þetta væri sko ekki allt fyrir mig ...en sat á mér.

3 dagar eftir

2007-11-02T18:27:00.000Z

Til að stytta mér stundirnar svona á síðustu metrunum á þessari meðgöngu þá ætla ég að reyna að vera aðeins duglegri en ég hef verið hingað til að rita hérna nokkur orð. Og náttúrulega líka fyrir ykkur hin sem lesið í von um einhverjar fréttir af bumbunni.

En anyway... Það er s.s. ekki enn komið neitt barn. Vonandi verður þess nú ekki langt að bíða að daman láti sjá sig. Settur dagur á mánudaginn og ekki frá því að maður sé farin að bíða pínu. Geri mér nú grein fyrir því að það gætu hæglega verið rúmar 2 vikur í þetta. Held samt og vona að það sé ekki meira en svona vika. Það er nánast allt tilbúið, búið að pakka í töskuna, búið að kaupa bílstól og svona það helsta sem þarf og jafnvel eitthvað sem þarf ekki neitt. Vaggan klár og föt komin í skápinn osfrv... Það er kannski feill hjá manni að vera svona tilbúin, ef maður þyrfti að bíða í 2 vikur í viðbót.

Annars hafa síðustu dagar einkennst af rólegheitum hjá frúnni. Sofið frameftir, horft á sjónvarpið og nýtt nýfengin áskrift af Stöð2. Glæstar vonir t.d. komnar á dagskrá hjá manni á morgnanna. Kaffihúsin sótt og tíminn notaður til að hitta vinkonurnar og slúðra eins hægt er. Á bara eftir að skila 3 verkefnum í skólanum og er að vona að ég nái að klára allavegana 1 áður en barnið kemur. Er ennþá að reyna að mæta í tíma og finnst það voða fínt. Gott að hafa eitthvað fyrir stafni og einhverja dagskrá til að fara eftir. Tíminn líður hraðar við það held ég.

Fleiri fréttir síðar.

Statusinn

2007-10-24T12:40:00.001Z

* Ég er ekki búin að eiga
* Á skv. áætlun 12 daga eftir
* Sem er nú voða lítið
* Er búin að vera mega dugleg í skólanum undanfarið
* Skila einu stóru verkefni og fara í próf
* Sem gekk allt bara ljómandi vel
* Er orðin áskrifandi af Gestgjafanum
* Fékk kökublaðið í dag og er búin að vera með stöðugt slefrennsli af græðgi síðan það kom inn um lúguna
* Hlakka til að byrja að baka
* Stefnir strax í allavegana svona 2-3 kíló hjá okkur stráknum í kjölfarið á þessu
* Skil ekki alla þessa umræðu um greyið Eyjólf landsliðsþjálfara
* Finnst að það ætti frekar að reka leikmennina en hann
* Nýju Parket og Gólf auglýsingarnar fara mega í taugarnar á mér
* Er bara alls ekkert að skilja þær
* Er búin að prjóna mega mikið undanfarið
* Var að klára að prjóna kjól og er núna byrjuð á poka fyrir barnið
* Er ekki að fíla veðurfarið hérna á höfuðborgarsvæðinu
* Er samt pínu farin að hlakka til að fá snjó
* Og líka pínu farin að hlakka til jólanna
* Hlakka náttúrulega mest til að fá monsuna mína í hendurnar
* Fórum í skoðun í dag og allt leit vel út
* Ljósmóðurin var að hrista skvísuna eitthvað til og athuga hvort hún væri skorðuð
* Sem hún fílaði engan veginn
* Og sparkaði í blessaða konuna í kjölfarið
* Strax orðin ákveðin litla daman

Brasið

2007-10-14T20:36:00.000Z

Já ég er núna að brasa við að lesa undir próf sem er á dagskránni kl. 10 í fyrramálið. Það gengur ekkert allt of vel, er búin að komast að því að það er alveg satt sem þeir segja með sellurnar í ófrískum, þær verða eitthvað hægari en venjulega. Er s.s. búin að sitja hérna við í dag, með góðum hléum, og reyna að einbeita mér án þess að það gangi neitt. Kannski út af sellunum, kannski út af því að hugurinn vill reika eitthvað annað. Stjórnmálaheimspekin ekki alveg eins heillandi dagdraumaefni og væntanleg koma frumburðarins.

Við fengum vagninn í gær, þvílíkt bónaðan og flottan, ekki að sjá á honum að hann hafi nokkurn tímann verið notaður. Fórum svo líka í gær í innkaupaleiðangur og keyptum það sem uppá vantaði, fjárfestum t.d. í þessum forláta bílstól sem mér finnst afskaplega fínn. Það má því segja að það sé allt tilbúið og bíður maður þess vegna bara enn spenntari en áður eftir að það gerist eitthvað. Vonandi verður biðin 3 vikur frekar en 5.

Var annars að lesa bakþankana hjá Davíð Þór Jónssyni í Fréttablaðinu áðan og fannst næstum eins og ég hefði getað skrifað þetta sjálf. Svo algerlega talað úr mínu hjarta. Þessi blessaða pólitík er náttúrulega með því fyndnara sem gerist. Ég skora á alla að lesa þennan pistil hjá honum, hann er snilld.

Sitt lítið af hverju

2007-10-12T09:31:00.000Z

Já það er aldeilis margt búið að ganga á í borgarpólitíkinni á síðasta sólarhring. Komin nýr borgarstjóri og allt, sá nýji reyndar mun myndarlegri en sá gamli og er ég bara frekar ánægð með það. Hafði ekki mikið álit á Vilhjálmi, finnst hann alveg búin að spila rassinn úr buxunum í þessu REI máli og fleiri málum. Frekar skrítið og pirrandi samt að Björn Ingi sé eftir sem áður einhver lykilmaður í atburðarrásinni eins og hann var í myndun gamla meirihlutans. Það er bara vonandi að þetta 4ra flokka samstarf gangi upp.

Ég er brjálaður aðdáandi Velvakanda í Mogganum (sem ég er að sjálfsögðu áskrifandi að eins og allir góðir borgarar). Ég get skemmt mér við að lesa þessi litlu innsendu bréf endalaust. Fyndnast fannst mér um daginn þegar allavegana í tvígang var auglýst eftir ketti sem hafði týnst frá Kattholti, maður hélt að kettirnir sem týndust ættu að vera nokkuð öruggir þar. Svo er búið að vera vinsælt að senda inn bréf sem mælir með nýju kvikmyndinni Veðramótum sem ég er reyndar ekki ennþá búin að sjá. Um daginn þá var líka einhver sem skrifaði til að kvarta yfir því að þingmönnunum hefði verið boðið áfengi eftir þingsetningarathöfnina á Alþingi. Fannst það ekki við hæfi að skattpeningarnir færu í áfengi eða eitthvað þannig. Skömmu seinna kom svo svar frá Skrifstofu Alþingis þar sem sagði að þingmennirnir hefðu ekki fengið neitt brennivín heldur bara kaffi og bakkelsi. Þannig að það er greinilegt að það lesa þetta fleiri en ég.

Skólinn er alveg komin á fullt og önnin nánast hálfnuð. Skil á lítilli ritgerð í dag og próf á mánudaginn þannig að um helgina verður maður að halda vel á spöðunum. Svo á náttúrulega væntanleg koma frumburðarins hug manns allan og undirbúningur fyrir það alveg á fullu. Barnaföt á snúrunni og mikið farið í búðir sem selja nauðsynlegan varning fyrir barnið. Ætlum einmitt að fara um helgina og kaupa bílstól, sem er víst nauðsynlegur til að koma krílinu heim, og fleira dót. Með hverjum hlut sem keyptur er þá verður maður líka smám saman æstari og æstari yfir þessu. Tilhlökkunin hér á bænum er þess vegna komin á nokkuð hátt stig enda er flest sem okkur vantar að verða komið í hús og krílið okkar má þess vegna bara fara að koma.

Hland-drama

2007-10-06T11:29:00.000Z

Hérna á Grettisgötunni gerist nú oftast ekki margt krassandi. Fólk fer venjulega leiðar sinnar nánast hljóðlaust og það er ekki mikið um slagsmál eða uppþot hérna. Það var þó um daginn sem það heyrðust voða skrítin hljóð sem urðu þess valdandi að maður skellti sér í gluggann til að tékka hvað væri á seyði. Ég reyndar sá ekki hvað var að gerast því atburðirnir voru mín megin í götunni og of nálægt. Nágranni minn hún Nanna sá hins vegar betur en ég hvað gerðist og kom með mjög skemmtilega lýsingu á atburðunum á síðunni hjá sér sem ég er búin að stela og ætla að birta hérna:

Pissudrama á Grettisgötunni

Megadrama í gangi hér úti á götu áðan.

Einhverjum róna verður mál og hann ákveður að pissa þar sem hann er kominn. (Þótt það sé alveg rétt sem Lilló segir um okkur venjulega miðbæjarfólkið, við ælum og pissum heima hjá okkur svo að það er yfirleitt úthverfafólkið og utanbæjarmennirnir sem gera svoleiðis úti á götu hér í miðbænum, þá eru rónarnir undanskildir. Þótt þeir búi í miðbænum.)

Einn nágranni minn er ekkert sáttur við þetta og kemur út með forláta myndavél og fer að mynda rónann við að pissa. Ekki veit ég hvers vegna. Kannski til að setja myndina á bloggið sitt eða eitthvað, nema ég gerði nú ekkert ráð fyrir að róninn mundi kippa sér upp við það.

En róninn er kannski eitthvað spéhræddari eða siðvandari en fara gerir um róna almennt (þótt val hans á pissustað, hér á miðri Grettisgötu, geti bent í aðra átt) og fer að mótmæla myndatökunum. Úr þessu verður hávaðarifrildi sem lýkur með því að nágranninn hjólar í rónann og missir við það fínu myndavélina sína í götuna.

Hann verður náttúrlega ekkert mjög glaður við það og kennir rónanum um allt saman. En róninn er þá akkúrat búinn að pissa og gengur í burtu. Nágranninn reynir eitthvað að elta og hefur hátt. En svo sér hann að sér, snýr við og fer að bogra undir bíla til að safna saman pörtum úr myndavélinni.

Mórall: Ef maður ætlar að sitja um róna, úthverfabúa og utanbæjarmenn að pissa í hverfinu sínu er best að hafa einnota myndavél til taks. Eða allavega gera upp við sig hvort maður ætlar að mynda pissarann eða berja hann.

Smáöppdeit: Róninn var víst að spræna inn um gluggann hjá nágrannanum þannig að það er vel skiljanlegt að fyki í hann - en ég hefði samt ekki tekið myndavélina með út.

Þetta fannst mér voða fyndið... fyrir utan þetta með að hann var að pissa inn um gluggann hjá manninum.

Punktar

2007-09-19T10:22:00.000Z

* Ég er búin að vera lasin
* Sem er minna en spes eins og flestir kannast við
* Við hjónin vorum með gesti alla helgina
* Sem var stemmari
* Strákapartý hérna á laugardaginn
* Fórum líka á Þingvelli
* Og ég tók horið með
* Bumban stækkar enn
* Brjóstsviðinn herjar á sem aldrei fyrr
* Frekar spes að vera bæði með hálsbólgu og brjóstsviða
* Aðeins of mikið álag á eitt svæði fyrir minn smekk
* Við fórum að sofa fyrir kl. 10 í gær
* Eril undanfarinna daga tók vindinn úr okkur
* Strætóinn er að gera fína hluti
* Veðrið hins vegar stendur sig ekki alveg eins vel
* Er búin að finna vettlingana mína og trefla og farin að nota þá
* Næstu helgi er planið að mála eins og einn vegg
* Klára eitt verkefni
* Og reyna jafnvel að skella sér í bíltúr á Selfoss og hitta ömmu

Skólalífið

2007-09-11T10:14:00.000Z

Já núna er tilveran að komast í eðlilegt horf á nýjan leik eftir sumarið, utanlandsferðina og 2 helgar í röð fyrir norðan. Indriði greyið ekki búin að vera heima hjá sér 4 helgar í röð þannig að næsta helgi verður tekin í rólegheitunum hérna heima. Ég er farin að trylla með vömbina í skólann á strætóinum, veit nú ekki hvað ég meika það lengi. Er samt alveg að fíla þetta strætókortafyrirkomulag. Æðislegt að geta bara hoppað í og úr strætó þegar manni hentar. Sérstaklega þegar veðrið er búið að vera svona leiðinlegt eins og síðustu daga. Neita því nú ekki að það væri sniðugra að vera á bíl samt. Við hjónin ætluðum nú að kaupa annan bíl fyrir frúnna en erum eiginlega hætt við það. Það er svo rosalega dýrt að eiga og reka 2 bíla, sérstaklega þar sem við verðum bæði heima saman í lok nóv, des og jan og þurfum þá bara einn bíl. Svo held ég að ég þurfi ekki bíl eftir áramót, ætla bara að vera á röltinu hérna í kring. Þannig að við erum að spá hvernig við getum mixað þetta. Kannski bílaleigubíll í tvo mán eða kannski bara strætóinn...

Skólinn er svo alveg komin á fullt. Alltaf að hrúgast á fleiri og fleiri verkefni, fyrstu skil í næstu viku og svo heldur þetta bara áfram eftir það. Þetta verður örugglega frekar strembið.

Réttirnar voru um síðustu helgi í sveitinni og að sjálfsögðu skelltum við hjúin okkur þangað. Reyndar dró maður ekki margar kindur í þetta sinn því mamma og pabbi nenna ekki að fara með kindur á heiði. Reyndar heyrðist mér á systrum mínum að það stæði til að breyta því á næsta ári. Þær eru svo ákveðnar báðar að það gæti alveg tekist hjá þeim að breyta því.

Barcelona, Barcelona...

2007-09-05T11:48:00.000Z

Já þá er maður sko komin heim. Barcelona var æðisleg. Langar alveg að fara þangað aftur og gera og skoða meira. Óneitanlega sagði sístækkandi ástand manns til sín og hægði aðeins á manni. Við vorum ekki eins mikið á labbinu eins og venjulega og þurftum að hvíla okkur oftar. Indriði var reyndar ekkert á móti því, á meðan ég fékk mér vatn og setti fæturnar upp á stól til að hægja á evrópumetinu mínu í bjúgsöfnun, þá fékk hann sér bjór. Í borginni er ótal margt að skoða sem flest tengist þó á einn eða annan hátt ótrúlega listamanninum Gaudi. Væri borgin án efa ekki eins sjarmerandi ef ekki hefði verið fyrir hann. Við fórum ekkert út fyrir borgina eins og margir gera en myndum örugglega gera það næst svona þegar maður er búin að skoða það helsta inni í borginni. Við keyptum okkur Lonely Planet bókina um Barcelona og vorum búin að lesa smá í henni áður en við fórum. Bókuðum okkur t.d. hótel sem var í henni og völdum hverfi sem við vildum vera í. Fórum svo á nokkra veitingastaði sem var mælt með í bókinni og þeir klikkuðu ekki frekar en annað sem mælt er með í þessum snilldar bókum. Fórum t.d. á þvílíkan kjöt-stað sem var mjög local og við hefðum náttúrulega aldrei farið á ef ekki hefði verið fyrir bókina. Fengum þvílíkt stórar steikur, örugglega milli 400 og 500 grömm hvor, sem við náttúrulega gátum enga vegin klárað en mikið var það gott. Ferðin heim var svo í leiðinlegri kantinum. Fórum ekki af stað frá Barcelona fyrr en kl. 23:30 og vorum ekki komin hingað heim fyrr en fjögur um nóttina.

Við skelltum okkur svo norður á síðasta fimmtudag og vorum fram á sunnudag. Indriði fór að veiða með pabba sínum og Loga og við fórum bæði í klippingu. Bæði orðin aðeins of loðin og núna er allt annað að sjá okkur. Hittum líka Árna Þórodd og Gunna og kíktum með þeim á Kaffi Krók sem var voða skemmtilegt. Svo byrjaði skólinn á mánudaginn, strax allt komið á fullt og strax búið að setja fyrir óteljandi mörg verkefni. Stefnir í bara eitt lokapróf í desember og svo er restin bara verkefnavinna þannig að það hentar mér ágætlega. Alls ekki víst að maður verði í neinu mega formi í desember til að taka próf. Aukaherbergið er smátt og smátt að taka á sig meiri barnaherbergis-mynd. Fórum í uppáhaldsbúðina mína IKEA í gær og keyptum skáp til að setja öll litlu fötin í. Þetta flæðir hérna yfir allt og því ekki seinna vænna en að byrja að reyna að koma þessu einhvers staðar fyrir.

Strákurinn er svo búin að setja inn myndir síðan í sumar í myndaalbúmið hérna til hliðar. Endilega allir að kíkja á það.

Barcelona baby...

2007-08-24T14:13:00.000Z

Já þá er að koma að því. Langþráð utanlandsferð sumarsins er á næsta leiti. Eftir sólarhring verðum við sennilega komin á völlinn og komin í ferðagírinn. Er búin að lesa heil ósköp um borgina í fínu Lonelyplanet bókinni minni og reyna að kynna mér siði og venjur heimamanna. Hlakka mest til að rölta Römbluna, fara í Gaudi-garðinn, fá mér tapas og hafa það kósí.

Adios amigos...

Tímamót

2007-08-22T10:39:00.000Z

Ætli það sé ekki komið nóg af sumarfríi?

Er í þessum rituðu orðum að vinna síðasta vinnudaginn minn. Skólinn að fara að byrja og við hjónin að fara að skella okkur til Barcelona. Allt að gerast. Ákvað af því tilefni að það væri komin tími á blogg. Ef það er á annað borð einhver sem ennþá nennir að fylgjast með þessari blessuðu síðu.

Hef nú samt í raun ekki frá neinu mjög merkilegu að segja. Indrið skellti sér til Varsjár um síðustu helgi og missti af maraþoninu sem hann var búin að æfa sig fyrir og Menningarnótt. Frúin þurfti því að húka alein í kotinu og var mjög glöð þegar strákurinn lét sjá sig aftur á mánudaginn. Enda búið að leiðast afskaplega mikið.

Ætli maður fari ekki smám saman að gíra sig upp í meira blogg. Svona eftir því sem líður á skólann og maður þarf að vera duglegri að læra. Það stefnir líka í að myndasíðan verði uppfærð fljótlega. Búið að taka fullt af myndum í sumar og ekki gefist tími til að vippa þeim inn á myndasíðuna. Það gerist þó kannski ekki fyrr en eftir Barcelonaferðina.

Wochenende

2007-07-15T21:37:00.000Z

Helgin er búin að vera í einu orði sagt frábær. Við hjónin höfðum það náðugt á föstudagskvöldið, vorum bara hérna heima og horfðum á video. Á laugardaginn pökkuðum við svo í bílinn smá dóti og lögðum í hann á Snæfellsnesið. Á leiðinni á nesið komum við við bæði á Akranesi og Borgarnesi, dóluðum okkur áfram og virtum fyrir okkur útsýnið. Keyrðum svo fyrir Snæfellsnesið og túristuðumst eins og við gátum. Stoppuðum allsstaðar þar sem eitthvað áhugavert bar fyrir sjónir og skoðuðum landið. Enduðum svo rúntinn á Ólafsvík þar sem við fengum okkur að borða, keyrðum svo á Arnarstapa þar sem við gistum. Í dag er svo búin að vera álíka dagskrá. Sofið út, lunch á Búðum, sólbað og sæla, sund í Skorradal, rúntur í blíðunni og svo enduðum við daginn með humarsúpu á Sægreifanum. Hefði ekki getað verið betra.

Annars er allt með kyrrum kjörum á Grettisgötunni. Við erum undanfarið búin að dunda okkur við að setja fataskáp í hjónaherbergið (kannski komin tími til), búin að gera pláss í aukaherberginu fyrir rúm af minnigerðinni fyrir litlu manneskjuna sem er á leiðinni og stefnum að því að kaupa fataskáp þangað inn líka. Það gengur annars allt sinn vanagang. Indriði komin með nýtt risastórt verk sem hann kemur til með að hafa yfirumsjón með í Kópavoginum. Verður mikil tilbreyting fyrir hann að komast úr Hafnarfirði. Ég er alltaf bara í vinnunni og líkar afskapalega vel. Sumarið spænist áfram og fyrr en varir verður það búið og skólinn byrjaður aftur.

Svo verður maður aðeins að monta sig af afrekskonunni og frænku minni henni Helgu Margréti. Hún er búin að standa sig svo ótrúlega vel og sýndi það og sannaði um helgina með frábærum árangri á Heimsmeistaramóti Unglinga. Innilega til hamingju með árangurinn Helga !! Svo er systir hennar hún Stína alveg að fara að koma til landsins og hlakka ég mikið til að hitta hana.

Það verður annars örugglega ekkert mikið um fréttir hérna á síðunni, maður er að reyna að nota tímann í vinnunni til að vinna og reynir svo að vera úti í góða veðrinu þegar vinnudegi líkur.

Sjopping

2007-06-28T15:38:00.000Z

Þar sem það stefnir í hálfgerða eyðimörk í snyrtiveskinu innan fárra daga og frekar ófrýnilegt útlit í framhaldi af því þá er stefnan sett á Smáralindina í alsherjar snyrtivöruinnkaup eftir vinnu. Guðný Ebba, sérlegur snyrtivöruráðgjafi, verður með í för.

Ennþá spennandi stjörnuspá...

2007-06-28T12:46:00.001Z

Vog: Þónustulundin þín gerir að verkum að hvaða hópur sem er er heppinn að þú tilheyrir honum. Vertu einbeittur í huga og tali, það hjálpar við samningagerð.

...spurning að fara að snúa sér að því að aðstoða Rauða krossin eða einhver svoleiðis samtök.

Skil ekki...

2007-06-27T21:58:00.001Z

hver húmorinn er í þessum blessuðu Flugger auglýsingum.
Getur einhver útskýrt fyrir mér?

Á bleiku skýji...

2007-06-27T11:26:00.000Z

Er sú lýsing sem á best við mig þessa dagana.

Er búin að komst að því að my middle name ætti að vera "blómabani". Keypti þetta fína blóm í Blómaval um daginn sem er nú á þessum mínútum sennilega að syngja sitt síðasta á eldhúsborðinu hjá mér. Fyrstu dagana vökvaði ég það ekki nógu mikið og það hálf fölnaði, næstu daga vökvaði ég það sennilega of mikið og það fölnaði aftur og núna er það bara að deyja... Og ég veit ekkert hvað ég er að gera til að murka úr því lífið.

Svona í lokinn þá er hérna stjörnuspáin mín. Þetta er einmitt eitthvað sem ég er að spá mikið í þessa dagana.

Vog: Ekki eiga við fólk sem stenst ekki lágmarkskröfur þínar. Þetta á bæði við viðskipti og ástir. Kröfurnar eru m.a. sjálfsvirðing og virðing fyrir öðrum.

Gamanið...

2007-06-20T08:54:00.000Z

Í gær var helst dundað við að horfa á eftirfarandi:

1. Móða veðurfréttakonan á Stöð2

Það er eins og hún hafi annað hvort hlaupið maraþon rétt áður en hún átti að fara í útsendingu eða að hún sé svo ótrúlega stressuð að hún sé gersamlega að fá hjartaáfall í beinni. Mjög spaugilegt.

2. Kristín Ingólfs í viðtali á Rúv

Greyið konan hefur ekki vitað að hún væri í beinni. Er allt viðtalið að laga á sér hárið, fær svo hláturskast og svo líður næstum yfir hana í lokin þegar hún áttar sig á því að þetta er allt beint í sjónvarpinu. Mega fyndið

Stjörnuspáin

2007-06-13T18:38:00.000Z

Langaði bara að smella hérna inn stjörnuspánni minni sem er búin að vera annsi nákvæm í dag.

Vog: Reyndu að þola leiðilegan dag, því stjörnurnar leiða þig á fund skemmtilegs fólks í kvöld. Þá munu hvatvísin og dýrseðlið taka völdin.

Búin að vera frekar leiðinlegur dagur en svo fór ég og hitti Katrínu, Kristínu Laufey og Gerði á kaffihúsi eftir vinnu sem var skemmtilegt. Svo er ég að fara að hitta manninn minn á eftir. Þetta stefnir því allt í rétta átt...

Tilhlökkun

2007-06-13T14:39:00.001Z

Er búin að vera að skoða myndirnar síðan við vorum í Seattle og hlakka ótrúlega mikið til að flytja þangað. Vonandi gengur þetta bara allt eftir og við förum á tilsettum tíma. Get varla beðið...

Það á samt ótrúlega margt eftir að gerast þangað til það gerist og kannski rétt að hlakka fyrst til þess.
1. Frumburðurinn á eftir að fæðast.
2. Ég á eftir að útskrifast.
3. Það á eftir að koma sumar aftur.
Samt virkar þetta allt eitthvað svo nálægt manni og í raun stutt þangað til þetta allt gerist.

...það eru svo spennandi tímar framundan...

Hvað er að gerast...

2007-06-11T19:35:00.000Z

Já ég er ekki frá því að heimur versnandi fer. Því til sönnunar hef ég tvö dæmi.

Dæmi 1:
Sms-ið sem ég fékk frá vinkonu minni á laugardagsnóttina sem var nákvæmlega svona:
"Það situr kall á blómabeðinu fyrir framan dómkirkju Íslands, með bjórglas í hönd og er að láta TOTTA SIG! Halló? Hvað er í gangi?" Say no more...

Dæmi 2:
Í morgun, á mánudegi fyrir kl. 10, sá ég út um gluggann hjá okkur ungan strák hella heilli sprittflösku út í pepsíið sitt, tilla sér á bekk fyrir framan gluggann og drekka blönduna. Hann kúgaðist frekar mikið og leit illa út. Hann leit út fyrir að vera kannski um tvítugt.

Hvað er eiginlega að gerast?

Síðbúnar afmæliskveðjur

2007-06-08T14:12:00.000Z

Í tilefni af því að gærdagurinn var sennilega mesti afmælisdagurinn á árinu þá vildi ég nota tækifærið og óska afmælisbörnunum til hamingju með daginn.

Æskuvinkona mín og frænka hún Stína átti síðasta afmælisdaginn sinn í gær og varð 29 ára. Framvegis kemur hún ekki til með að eiga afmæli. Hún er í útlöndum eins og fyrri daginn og ég sakna hennar alltaf jafn mikið. Innilega til hamingju með afmælið elsku besta vinkona!

Ferðafélagarnir og parið Róbert og Margrét áttu bæði tvö afmæli í gær og héldu upp á það heima hjá sér í gærkvöldi. Róbert sennilega aðeins meira því hann átti stórafmæli, hvorki meira né minna en 30 ára og Margrét slatta yngri. Innilega til hamingju með afmælið bæði tvö og takk fyrir mig og minn í gær!

Ofurskvísan, lögfræðingurinn tilvonandi og leikkonan Lilja átti líka afmæli í gær. Hún er yngst afmælisbarnanna þennan daginn. Innilega til hamingju með daginn!

Stefnan er annars sett á sveitina þess helgina. Við ætlum nokkrar galvaskar píur ásamt mönnum og nokkrum börnum að bruna í Grímsnesið í sumarbústað seinnipartinn í dag og liggja þar með tásur upp í loft og troða í okkur mat og hafa það kósí alla helgina. Ég skal reyna að setja inn eitthvað mega skemmtó og smellið eftir helgina þegar ég er búin að hlaða batteríin í bústaðnum.

until then

Hræðilegt

2007-05-30T19:16:00.000Z

Hún Ásta Lovísa, hetjan sem fylgst var með í Kastljósinu og er búin að vera að blogga á www.123.is/crazyfroggy, er dáin. Eftir ótrúlega hetjulega baráttu varð hún að gefast upp fyrir þessum hræðilega sjúkdómi. Það er búið að vera ótrúlegt að lesa síðuna hennar og fá að fylgjast með baráttunni. Hún kom út að borða á LaPrimavera fyrir ekki svo löngu síðan, leit svo vel út og var ótrúlega kurteis, skrítið til þess að hugsa að hún sé dáin. Ég sendi öllum sem þekkja hana mínar dýpstu samúðaróskir.

Nýjir tímar

2007-05-18T20:19:00.000Z

1. Prófin eru búin
2. Er byrjuð að vinna
3. Bara í einni vinnu
4. Það er komið sumar

Ég er ótrúlega sátt við að vera búin að klára þessi próf. Þetta voru 5 stykki, á 2 vikum, 18,5 einingar, sem ég held að séu allar á leiðinni í hús. Er komin með eina einkunn sem ég er alveg sæmilega sátt við bara, miðað við effort, áreynslu og einbeitingu vetrarins. Það tók mig 2 daga að fatta að prófin væru búin, er ennþá nett að átta mig á þessu öllu saman og fatta að plana kvöldin í annað en lærdóm.

Vinnan er mjög fín. Hressir gaurar og skemmtilegt andrúmsloft. Vikan er búin að fara í það að reyna að átta sig á því hvað maður á að gera og hvernig og kynna sér bæði starfið og samstarfsmennina. Stefnir í hörkufínt sumar á Skólavörðustígnum.

Ég nenni ekki einu sinni að tjá mig um kosningarnar. Drama, drama, drama...

Eitt samt sem ég er alltaf jafn hissa á og það er það hvað þessir blessðu pólitíkusar apa alltaf orðatiltækin eftir hvorum öðrum og hvernig sumt kemst "í tísku" í orðaforða stjórnmálamanna. Núna er það "að safna vopnum sínum" sem ég hef hreinlega aldrei heyrt fyrr en nú. Og það segir þetta annar hver pólitíkus. MJÖG spes. Það þorir greinilega engin að vera original og nota eitthvað annað yfir það sem þarf að gera í Framsóknarflokknum.

Nýja myndir

2007-05-13T20:32:00.000Z

...á myndasíðunni. Allir að kíkja á það.

Kosningakaffi

2007-05-11T20:26:00.000Z

Á morgun á Grettisgötunni.
Allir velkomnir.
Gleðin byrjar eftir hádegið þegar byrjar að rjúka úr vöfflulujárninu svona milli eitt og tvö.
Hlökkum til að sjá sem flesta.
Hjónin

...og sólin skín

2007-05-08T13:39:00.000Z

Það er meira hvað veðrið er að leika við okkur. Endalaus sól og sumarblíða svona á síðust prófametrunum, sem er vægast sagt ekki að hafa hvetjandi áhrif á lærdóminn hjá frúnni. Skellti mér t.d. í bæinn áðan í smá innkaupaleiðangur, fjárfesti í nýja Bjarkardisknum sem hljómar núna í græjunum, keypti svo ofsa-fallega afmælisgjöf handa sætustu stelpunni í bænum (meira um það síðar) og kom svo að síðust við í bakaríi og náði mér í smá hádegissnarl. Settist svo út á svalir í sólina með Moggann og hádegismatinn á hlýrabolnum og átti hreint út sagt góða stund. Þetta verða krefjandi síðust metrar ef veðrið heldur áfram að vera eins og það er í dag.

Annars á vinkona mín hún Guðný afmæli í dag. Hún er hvorki meira né minna en 25 og einu ári betur en það. Hún er svo sæt og góð og ég vona að hún eigi besta afmælisdag í heimi í dag. Greyið þarf reyndar að hýrast í vinnunni til kl. 5 en þá tekur líka við eitthvað skemmtilegt og kannski fæ ég að knúsa hana aðeins í kvöld.

TIL HAMINGJU MEÐ DAGINN SÆTA

Ég er að verða pirruð...

2007-05-07T10:13:00.000Z

Ókei...

Í framboði fyrir Sjálfstæðisflokkinn er glæpamaður.
Sem sveik úr ríkissjóði helling af almannafé.
Og sat í fangelsi fyrir það.
Og kallaði það svo "tæknileg mistök".
Eru allir búnir að gleyma því eða...??

Á fréttaflutningi síðustu daga er það að skilja að það sé löstur að uppfæra skoðanir sínar. Það er verið að benda á þá hræðilegu staðreynd að Steingrímur J. hafi skipt um skoðun á máli sem hann hafði aðra skoðun á fyrir 20 árum síðan. Ég hélt að það væri frekar kostur að uppfæra skoðanir sínar reglulega og vera meðvitaður um að festast ekki í einhverju gömlu fari.

Hvort er merkilegra: glæpamaðurinn eða maðurinn sem skipti um skoðun?

Ég er að verða svo ótrúlega pirruð á þessu kosningarugli, allir að karpa og gjamma fram í hvern annan í spjallþáttum hægri vinstri. Þetta fólk kann upp til hópa ekki mannasiði.

Niðurtalningin hafin

2007-05-06T10:43:00.000Z

Já þetta orðið ein allsherjar niðurtalning þessa dagana:

3 dagar í næsta próf
5 dagar í síðasta prófið
6 dagar í kosningar
6 dagar í Eurovision
8 dagar þangað til ég byrja að vinna

Það er allt á suðupunkti. Á sunnudagsmorgni sit ég hérna yfir siðfræði Níkomakkosar við eldhúsborðið og velti fyrir mér vináttunni. Aldeilis spennandi það. Það er annars frekar erfitt að einbeita sér á þessum síðust metrum annarinnar. Svo margt annað sem freistar hugans og lætur hann reika frá skólabókunum. Við hjónin náðum t.d. að skella okkur í bíó á Blades of Glory í gær með þeim Sverri, Binna og Árna Geir. Myndin kom bara á óvart, bjóst svo sem ekkert við neitt svakalega miklu en hún varð aldrei of bjánaleg og var fyndin nánast allan tímann.

Er komin með nettan pirring á öllu þessu kosninga stússi. Finnst fólk alveg vera að fríka út yfir þessu. Sumir taka þetta með trompi, marsera Laugarveginn og plögga bæklingum á allt og alla. Aðrir taka tryllinginn á börum bæjarins með dónaskap og ruddalátum og ná sennilega ekki að heilla marga kjósendur með þeirri framkomu. Aðrir skrifa hálfgerðar tryllingsgreinar í blöðin og úthúða fréttamönnum en svo eru náttúrulega sumir sem eru ofur svalir og láta ekkert á sig fá. Ég held að ég sé algerlega búin að gera upp hug minn. Var búin að ákveða mig, fór svo eitthvað smá að efast um réttmæti þeirrar ákvörðunar þar sem ég var ekki búin að kynna mér almennilega frambjóðendurna í mínu kjördæmi, skoðaði þá vel og hélt mig við mína fyrri ákvörðun.

Ætla svo hérna rétt í lokinn að láta stjörnuspána mína fljóta með fyrir daginn, hún er eitthvað svo mega mikið í mark í dag:

Vog: Þér líður betur með sjálfa þig en þig hefur gert lengi. Þú ert að komin að ákveðnum tímamótum í lífinu og hið óþekkta bíður. Ástin ber þig þangað á vængjum sínum.

Tvö próf búin og þrjú eftir

2007-05-03T14:15:00.000Z

Ókei ég segi það bara hreint út.

Ef ég næ öllum prófunum mínum núna þessa önnina þá er ég mesti snillingurinn í heimi.

Rökstuðningur:
1. Ég er í 18,5 einingum
2. Ég er ekki búin að vera alveg sú duglegasta að læra
3. Er að fara í próf á morgun og er núna að blogga
4. Og er nýkomin úr hádegismat
5. Er búin að hafa allt annað um að hugsa en skólann upp á síðkastið
6. Er búin að vera mjög ófókuseruð alla önnina
7. Og búin að standa í allskyns vitleysu
8. Er búin að kötta niður kaffidrykkjuna hjá mér úr svona 8 bollum á dag í 0,5

Ef það ótrúlega myndi gerast og ég ná þessum einingum þá á ég hvorki meira né minna en 19,5 einingar eftir í blessaða gráðuna sem verður vonandi í höfn ekki seinna en næsta vor. Já svona gerast hlutirnir hratt. Ég sem var að hlæja að því fyrir svona hálfum mánuði hvað það væri fáránlegt að ÉG, sem veit ekki neitt, væri að fara bráðum að útskrifast. Er svo reyndar búin að komast að því að ég kann kannski smá, allavegana fannst mér hagfræðibrandararnir í Draumalandinu fyndnir. Og þurfti að útskýra þá fyrir Indriða því honum fannst þeir ekki fyndnir, og heldur ekki eftir að ég útskýrði þá.

Við fórum annars norður um helgina og létum dekra við okkur hjá tengdó og mömmu í 20 stiga hita og bongó blíðu. Það var æðislegt að komast aðeins út á land og slaka á og ná aðeins niður taktinum hjá sér. Er svo MEGA spennt yfir vinnunni sem ég er að fara að stunda í sumar. Er í fyrsta lagi ýkt spennt yfir hvað ég á að fara að gera, mjög spennt yfir að vera niðri í bæ í allt sumar og mjög spennt að vera að fara að gera annað en að skólast. Svo stefnir í svo frábært sumar. Er búin að ná mér í bækling yfir bændagistingar því planið er að fara hringinn í sumar og svo á að grilla heil ósköp, sitja í sólinni, hafa það kósí og ekki vinna eina einustu helgi. Rúm vika og þá er það ljúfa lífið sem heilsar. Ég get ekki beðið.

Krassandi stjörnuspá dagsins í dag

2007-04-26T09:53:00.000Z

Vog: Vinnufélagi þinn er leynilega skotinn í þér. Og það er ekki í fyrsta skipti sem þú átt aðdáenda. Farðu silkihönskum um þessa vitneskju, þroskuð ást er viðkvæm.

Það er bara svona...

Björk doing SNL

2007-04-25T17:12:00.000Z

Fann þetta á Youtube í dag á póst-prófs-vafri mínu. Það vita það náttúrulega allir sem vilja að það er ekki með nokkru móti hægt að byrja strax að læra eftir próf. Ég tók því daginn í chill, smá shopping, eina sneið á Reykjavík Pizza Company og net-dútl. Ég er búin að kaupa mér þetta lag á vefnum hjá Smekkleysu fyrir nokkrum dögum og hlusta slatta á það. Þessi kona er snillingur.

New phone

2007-04-24T19:33:00.000Z

Langaði bara að sýna ykkur nýja, flotta símann minn. Hann er nú alveg mega sætur... ekki sammó?

Hrað-blogg

2007-04-23T21:50:00.000Z

* Ég byrja í prófum á miðvikudaginn
* Búin að vera á kafi í bókunum
* Er samt búin að vera hálf slöpp eitthvað
* Þess vegna afköstin yfir bókunum ekki alveg nógu góð
* Við fórum í leikhús á laugardaginn með Inga og Írisi
* Sáum Hjónabandsglæpi í Þjóðleikhúsinu sem var frábær sýning
* Get vel mælt með henni fyrir alla
* Fullt af óvæntum uppákomum og atriðum
* Og geggjaðir leikarar, Hilmir Snær og Elva Ósk
* Ég hlakka mjög mikið til að vera búin í prófum
* 11. maí verður dýrðardagur
* Greyið Guðrún litla systir mín lenti í bílslysi í gær
* Sem er hræðilegt
* Sem betur fer líður henni ekki illa og hún slasaðist ekki
* Þetta er annað bílslysið í fjölskyldunni á þessu ári
* Frekar hræðilegt
* Í hinu slysinu voru Pálina konan hans Ísaks og Íris litla dóttir þeirra
* Sem betur fer sluppu þær líka vel
* Hálfgert lán í óláni
* Ég meika ekki Frjálslyndaflokkinn
* Mér finnst Jón Baldvin skrítinn að kalla menntamálaráðherra ljósku
* Kannski gleymdi hann að taka lyfin sín
* Ég verð eiginlega að halda það því annars væri hann hálfgerður fáviti
* Mér finnst hræðilegt hvað það búa margir verkamenn hérna við slæm kjör
* Og finnst frábært hjá Stöð2 að varpa ljósi á það mál
* Mig langar til útlanda í hjálparstarf
* Ég er að verða sjúk í að ferðast aftur
* Við erum sennilega að fara til Seattle haustið 2008
* Ti að læra, ekki í hjálparstarf
* Allir að krossa putta fyrir mig á miðvikudaginn
* Meira síðar

Gleðilegt sumar

2007-04-19T10:58:00.000Z

Það var sko aldeilis viðburðarríkur síðasti vetrardagur hérna í miðbænum. Fyrst þessi rosalegi bruni sem er hræðilegt áfall fyrir okkur öll, sérstaklega okkur sem búum hérna og eigum leið framhjá þessu horni á hverjum degi. Það verður ekki skemmtilegt að labba þarna framhjá núna þegar þessi sögufrægu hús eru horfin og brunnin til kaldra kola. Svo um kvöldið sprakk hitavatnsleiðsla hérna örstutt frá okkur og heitt vatnið flæddi yfir allt sem fyrir varð. Þá var ég búin að fara 2x að horfa á baráttuna við eldinn niðri í Lækjargötu, nennti ekki meira actioni og lét duga að horfa á flóðið í sjónvarpinu. Það var ekkert smá óhugnalegt að sjá eldtungurnar leika um þessi hús og ég verð nú bara að segja það að eftir þetta alltsaman ber ég ennþá meiri virðingu fyrir slökkvuliðsmönnum. Þetta var ótrúlegt þrekvirki sem þeir unnu þarna við mjög erfiðar aðstæður og frábært að þeim tókst að bjarga þessum húsum sem eru þarna til beggja hliða.

Ég er annars búin að vera að velta fyrir mér hnýsni upp á síðkastið. Það er svo ótrúlegt hvað fólki dettur í hug að spyrja mann um. Ég hef fengið spurningar frá fólki sem ég þekki lítið sem ekki neitt sem ég myndi ekki einu sinni spyrja vinkonur mínar að. Ég er reyndar frekar lokuð manneskja svona út á við en þegar ég hleypi fólki að þá fær það sennilega að vita flest ef ekki allt. En svo er líka til fólk sem spyr mann aldrei að neinu. Það getur líka verið slæmt. Stundum þarf maður smá forvitni til að koma því að sem brennur í brjóstinu. Það er því ótrúlega fín lína á milli þess að vera hnýsinn og að vera afskiptalaus og kannski frekar erfitt að finna réttu leiðina. Vill samt fólk vinsamlegast hætta að spyrja óviðeigandi spurninga.

Áríðandi tilkynning

2007-04-16T16:27:00.000Z

Ég var símalaus alla helgina. Föstudagurinn 13. kom svona rækilega í bakið á mér, beit mig í rassinn og lét mig týna símanum mínum. Þannig að ef þið hafið verið að senda mér skilaboð og ég ekki svarað þá var ég ekki að dissa ykkur. Líka ef þið viljið að ég hringi einhvern tímann í ykkur þá verðið þið að senda mér sms til að ég sé með númerið ykkar. Öll símanúmer týndust með símanum.

Góðu fréttirnar eru hins vegar þær að ég er komin með þennan gullfallega nýja síma í vasann sem er ekki á leiðinni að týnast neitt. Hann er very pretty!!

Og farið nú að commenta annars nenni ég þessu ekki lengur.
Koma svo...

Netlægð

2007-04-12T20:29:00.000Z

Já þetta er ekki bara blogglægð hjá mér heldur ein allsherjar netlægð sem gengur nú yfir. Er komin með hálfpartinn leið á þessu. Allir að blogga það sama, slúðrið er allt það sama líka, ég nenni engan veginn msn-inu (og ekki búin að signa mig inn þar í svona viku) hvað þá heldur að ég nenni mikið að blogga. En þá sjaldan maður finnur sér eitthvað merkilegt til að tjá sig um þá verður maður nú að nota tækifærið og gera það fyrst síðan er fyrir hendi.

Málið er nefninlega að það er að koma Listahátíð. Ég hef aldrei áður farið á atburð sem tengist þessari merkilegu hátíð og ákvað í dag að það væri tími til komin að gera breytingar þar á. Kveikjan að þeirri breytingu var bæklingur þar sem koma San Francisco balletsins var boðuð. Ég viðraði hugmyndina við Auði, hún tók svona vel í hana og nú erum við fjögur að fara og sjá þennan heimsfræga balletflokk dansa í Borgarleikhúsinu þann 20. Maí. Ég hlakka óendanlega mikið til.

Annað sem brennur svolítið á mér þessa daga og ég verð að koma á framfæri er hvað ég er geðveikt að fíla hljómsveitina Esju. Ég verð seint talinn mikill aðdáandi Daníels Ágúst eða Krumma í Mínus en þetta dúó þeirra (eða kvartett þegar maður telur alla með) er hreinasta snilld. Sá þá spila í Kastljósi í lok síðasta mánaðar og svo aftur á Formatónleikunum og er alveg orðin sjúk í þá. Get ekki beðið eftir að þeir gefi eitthvað út svo ég geti hlustað meira á þá.

Eftir páska

2007-04-10T21:04:00.000Z

Við hjónin erum komin aftur til borgarinnar eftir annsi skemmtilegt páskafrí sem við eyddum fyrir norðan. Þar var sko dekrað við okkur í mat og drykk og erum við bæði örugglega einhverjum grömmum þyngri núna en þegar við fórum. Ég fékk langþráð slátur hjá mömmu ásamt því sem við fengum lambalæri, hamborgarahrygg, grillkjöt osfrv. Yndislegt að eiga bæði mömmu og tengdamömmu sem elda svona góðan mat. Við náðum að slappa þvílíkt af og hlaða batteríin fyrir komandi törn. Núna er það víst alvaran sem tekur við. Hálfur mánuður í fyrsta prófið og ekkert masterplan komið í gangið. Spurning um að föndra eitt slíkt á næstu dögum og ná að skipuleggja sig. Næsti mánuður hjá mér verður strembin lærdómslega séð þar sem óumflýjanlegur skólabókalestur er á dagskránni og víst ekki hægt að fresta honum mikið lengur.

Við Katrín skelltum okkur óvænt á Bjarkar-tónleikana í gær. Þeir voru frábærir og sé ég alls ekki eftir því að hafa farið. Nenntum reyndar ekki að bíða eftir Hot Chip þannig að við fórum bara heim þegar Björk var búin. Nýju lögin hljómuðu ótrúlega vel og ég er farin að hlakka mega mikið til að kaupa nýju plötuna. Anthony í Anthony and the Johnsons söng eitt lag með henni á tónleikunum sem var mjög skemmtilegt.

Er strax komin með leið á kosningum og pólitík, sem er frekar slæmt. Finnst bara alveg mega leiðinlegt að horfa á einhverja karla í sjónvarpinu gjammandi hvor ofaní annan þannig að maður heyrir ekki orðaskil. Ég vona að ég fái áhugann aftur og nái að fylgjast eitthvað með þessu en miðað við leiðann sem mér finnst ríkja í þessum brannsa í dag þá býst ég ekki við að það gerist neitt bráðlega.

Mæ ó mæ...

2007-04-04T13:03:00.000Z

Það er margt búið að drífa á dagana síðan síðast

* Við hjónin fórum á Forma tónleikana síðasta sunnudag og sáum Björk, Pétur Ben, Mugison, Lay Low, Esju, KK og Möggu Stínu spila. Björk bar af og verð ég fyrsta konan til að fara niður í Skífu og kaupa diskinn hennar þegar hann kemur út. Love her!

* Búin að fara í 1 próf sem gekk svona la la

* Búin að vinna næst síðustu helgina mína á Primavera

* Það er allt í einu tæpur mánuður í fyrsta prófið

* Ég er að fara að fá panic attack

* Við erum að fara norður um páskana

* Lífið er yndislegt

...Meira seinna...

Confessions

2007-03-21T22:49:00.000Z

* Ég viðurkenni það að ég hef gaman af því að horfa á Everybody loves Raymond. Eins silly og þátturinn er þá finnst mér hann voða fyndin

* Ég viðurkenni að horfa stundum á Glæstar vonir ruglaðar á Stöð 2. Mjög sorglegt að píra augun á skjáinn og reyna að lesa textann. Ég er sorglega gella.

* Ég viðurkenni að stundum borða ég popp í kvöldmat.

* Ég viðurkenni að ég er ógeðslega löt að læra og er á góðri leið með að missa allan áhuga á skólanum.

* Ég viðurkenni að ég er með fresturnaráráttu á afskaplega háu stigi. Geri aldrei neitt nema ég sé algerlega komin með það á síðasta séns. (T.d. eins og það að læra)

* Ég viðurkenni að ég er forfallinn kaffihúsa og slúður fíkill.

- Held að það sé komið nóg í bili -

Síðasta Stúdentablaðið

2007-03-20T14:00:00.000Z

Sem your truly skrifar í kom út í dag. Allir endilega að skoða það. Sérstaklega ber að taka eftir ádeilu á Happdrættið og viðtölum við nýja formenn "stóru" flokkana í Stúdentapólitíkinni. Svo má alls ekki gleyma ótrúlega kröftugum ritstjórnarpistli hjá honum Kristbirni. Umfjöllum um blessaða pólitík okkar stúdenta á heimsmælikvarða... Og allir líka að lesa viðtalið hennar Silju við Benny Crespo´s Gang.

Over and out!

Dagskrár update - 10 punktar

2007-03-17T15:48:00.000Z

1. Ég er ekki búin að læra neitt. Það er þó bara að hluta til mér að kenna, hinn parturinn er foreldrunum að kenna. Það gleymdist nefninlega að kenna þeim stundvís og á klukku í æsku. Frekar skrítið því einhvern veginn tókst þeim að kenna okkur systkynunum það.

2. Ég er samt búin að kaupa mér miða á Forma styrktartónleikana á Nasa þar sem aðal-idolið mitt hún Björk verður að spila ásamt einhverjum side-kickum.

3. Ég held að gaurinn á neðri hæðinni sé annað hvort á fyllerístúr eða skilinn. Hann er búin að vera blastandi græjurnar on and off síðan í gærkvöldi, stundum heyrist eins og hann sé að dansa og núna síðast var hann mjög greinilega syngjandi. Frekar skrítið.

4. Það er búið að selja íbúðina á neðstu hæðinni.

5. Spurning hvort maður fái annað dansfífl í húsið.

6. Veðrið er ofur skrítið.

7. Er einhver þarna úti sem á afgangs eitthvað af staðfestu og einbeitingu. Mér vantar svoleiðis afskaplega mikið, er til í að borga fínt verð.

8. Veit einhver hvernig maður getur lesið svona 1.500 bls á 2 dögum?

9. Getur einhver kennt mér fjármál 2 á 2 dögum?

10. Ég hlakka til sumarsins.

Of langt síðan síðast....

2007-03-15T16:24:00.000Z

Já ég er komin heim frá DK. Það var æðislegt úti, mega rólegheit, rölt um bæinn, kaffihús, fínir barir og krúttó veitingastaðir. Vorum á rosa íþróttahóteli þar sem voru sundlaugar og íþróttasalir á hverja hönd alveg við Höfuð-banda-garðinn (eða eitthvað svoleiðis) þannig að við fórum allra (eða svona næstum) okkar ferða fótgangandi. Hættum okkur einu sinni inn á Norðurbrún þar sem öll ólætin eru búin að vera og sáum 5 júmbó löggubíla í röð með svona 60 löggum í tilbúnum í allt. Fórum svo í dekur á sunnudeginum í Fields þar sem einn ofur áhugasamur íþróttagaur sagði okkur allt sem hægt er að vita um Kleopötru og hennar líf og dekrið snérist í kringum það. Jóga, tyrkneskt bað osfrv. Svo var brennt heim á sunnudagskvöldi með aðeins þyngri tösku en fór með út.

Núna er maður alveg komin á síðasta snúning með allt skólatengt þannig að nú er sko að duga eða drepast í þeim efnum. Allt púður næstu vikurnar skal því fara í blessaðan lærdóminn hvort sem mér líkar það betur eða verr. ...mér kemur nú sennilega til með að líka það verr þar sem ég er ekki þekkt fyrir að vera neinn ógurlegur námshestur en það verður bara að hafa það! Þessar blessuðu einingar skulu skila sér í hús í vor hvað sem tautar og raular.

Dagskrá helgarinnar er því nokkuð fastákveðin. Er að vinna á föstudags og laugardags kvöld og svo skal restin af tímanum fara í setu á Bókhlöðunni. Ef einhvern langar að vera lærdóms-partnerinn minn þá má hann gefa sig fram í commentakerfið ...(Hint: Katrín).

Add to post: Svo er litla sæta systir mín hún Guðrún að koma loksins í bæinn eftir allt of langa bið. Hlakka ýkt til að hitta hana og M&P á laugardaginn inni á milli þess sem ég reyni að læra eitthvað.
P.S. Held að ég sé að verða lasin sem er alls ekki nógu gott mál!

Skjótt skipast veður

2007-03-06T19:44:00.000Z

* Skvísan er að fara til Danmerkur um helgina í dekurferð
* Sem er langþráð
* Margrét Ágústa verður ferðafélaginn og aðal skipuleggjari ferðarinnar
* Ég býst við non-stopp skemmtiprógrammi allann tímann
* ...eða eitthvað svoleiðis :o)
* Ég er búin að fá Grey´s seríuna mína
* Nú verður stefnt að því að klára þættina fyrir föstudagmorgun
* Sem þýðir hard working tv watching ahead
* Ég fékk Vogue blaðið mitt í dag
* Sem er svona 650 bls
* Ég er ótrúlega sátt við lífið
* Fyrir utan veðurspánna fyrir Köben fyrir helgina
* Regnhlífin á eftir að slow me down in the shopping
* Ég á besta, sætasta og yndislegasta mann í heimi
* Er svo skotin í honum þessa dagana að ég er að deyja

Monday, monday...

2007-03-05T13:26:00.000Z

Eftir annasama og viðburðarríka daga þá er loksins komin smá lognmolla í lífið aftur. Búið að skila öllum verkefnum, prófin flest öll búin og lífið komið aftur í samt lag. Var að vinna um helgina og læra eins og brjáluð og er ekkert smá glöð að vera búin með þessa törn. Ætla heim að leggja mig á eftir í tilefni þessa.

Hlakka ótrúlega mikið að takast á við næsta verkefni sem er að komast up-to-date í Greys Anatomy. Stefnir í maraþon áhorf næstu daga. Það eru held ég 11 eða 12 þættir sem bíða mín og ég held að þeir séu rosalega viðburðaríkir. Stefni að því að fara til Más og Róbó í kvöld og ná í þetta allt saman.

Annars er Indriði búin að vera að downloada tónlist á fullu undanfarna daga. Hann náði í Amy Winehouse um daginn og við erum búin að vera að hlusta á hana. Ekkert smá skemmtileg tónlistin hennar, ég er alveg orðin sjúk í hana.

Mig langar núna meira en nokkru sinni fyrr að fara til útlanda. Langar að fara á svona 20 staði í sumarfrí.

Vantar eitthvað smellið

2007-03-01T15:45:00.000Z

Suma markaðsstjóra ætti náttúrulega að reka. Eins og t.d. markaðsstjóra SKO. Þessar auglýsingar hjá þeim hljóta að vera þær mest pirrandi í sögu sjónvarpsins. Og ekki eruð þær neitt fyndnar eða smellnar. Gvuð hvað það eru miklu fleiri auglýsingar samt sem mér finnst bjánalegar en ég man ekki eftir akkúrat í augnablikinu.

Annað sem ég er búin að vera að velta fyrir mér er þessi rosalegi hraðakstur. Alveg merkilegt hvað fólk getur gert. Og það sem meira er er að þetta eru ekki bara ungmenni. Unglingarnir komast kannski frekar í fyrirsagnirnar, "búin að vera með bílpróf í sólarhring og strax búin að missa það" er eitthvað sem allir kannast við að hafa lesið. En þegar maður er á ferðum sínum um þjóðvegi landsins eða götur borgarinnar þá sér maður oft station bílana með fjölsklduföðurinn undir stýri á blússandi ólöglegum hraða. Og oft eru börnin í aftursætinu. Sennilega verðmætasti farmurinn. Hvað er fólk að spá? Hættið að keyra eins og bavíanar og hagið ykkur vel. Það er ekki töff að vera próflaus. Það er ekki töff að vera með líf fjölskyldunnar þinnar eða annarra á samviskunni. Hættið að keyra svona hratt.

Efst á baugi

2007-02-24T22:47:00.000Z

* Það er laugardagur og ég vaknaði löngu fyrir hádegi til að læra
* Það er frekar langt síðan það gerðist síðast
* Stefnir í ótrúlega busy og vonandi viðburðarríka viku
* Við fórum á safnanótt í gær
* Sem var frábært tækifæri til að drekka sig fullan frítt
* Endalaust af ókeypis áfengi
* Ekki það að frúin hafi látið mikið freystast
* Fór líka á fimmtudaginn og horfði á eldorgelið með Guðnýju
* Það var spes
* Verkefni dagsins er heimapróf í fornaldarheimspeki
* Verkefni morgundagsins er að lesa undir próf í siðfræði
* Svo þarf ég að skila Stúdentablaðsgrein á miðvikudaginn
* Busy busy
* Við fórum á Litlu Ungfrú Sólskin í gær
* Hún var rosa skemmtileg
* Mér finnst Baugsmálið orðið að skrípaleik
* Hvað er málið með nafnlaust bréf?
* Kannski hefur Friðrik Þór eða Baltasar sent það til að fá meira action í Baugsmálið - the movie?
* Mér finnst fyndið að lesa bloggið hennar Jóníu Ben
* Mér finnst líka fyndin umræðan um klámhópinn
* Mér finnst allt upphlaupið með Höllu Vilhjálms og Jude Law fyndið
* Mér finnst Silvia Nótt brjálæðislega fyndin
* Ég var ánægð með að Eiki Hauks vann Júróvisjón
* Mér finnst stríðið í Írak hræðilegra með hverjum deginum
* Mér finnst ríkisstjórnin orðin mjög þreytt
* Ég vorkenni Britney Spears
* Ég er samt alveg komin með nóg af henni og greyið Önnu Nicole
* Ég trúi ekki að Brangelina ætli að ætleiða enn eitt barnið
* Ég er mjög svekkt að hafa ekki verið kosin kynþokkafyllsta konan á konudaginn
* Mig langar til útlanda
* Helst til New York
* Ég er búin að klára 2. seríu af Greys Anatomy
* Og búin að lofa Guðnýju að horfa með henni á seríu 3
* Ætla að byrja að horfa í næstu viku þegar öll verkefnin eru búin
* Verkefni síðustu viku var að finna sumarstarf
* Það tókst
* Á ótrúlega skömmum tíma með ótrúlega góðum árangri
* Verð hjá H.F. Verðbréfum á Skólavörðustíg
* Margrét Ágústa er snillingur!

Svona til að gleðja ykkur krakkana þá ætla ég að enda hérna á stjörnuspánni minni sem er kannski lýsandi fyrir næstu daga.

Vog: Margt hefur verið stressandi í vinnunni undanfarið, en hlutirnir eru á réttri leið. Eftir hressandi kaffibolla og morgun á réttum vinnuhraða gæti verið að þú sjáir vinnuna sem blessun en ekki byrði.

Back on the Bókhlaða

2007-02-20T13:19:00.000Z

Já ég er mætt. Í þriðja skiptið á þessari önn og missionið er að reyna að læra smá. Hvað er þá betra en að byrja á smá bloggi? Ég verð nefninlega að segja frá nýjasta áhugamálinu mínu. Ég er nefninlega orðin sjúk í Grey´s Anatomy, helsjúk segi ég ykkur! Er búin að horfa á fyrstu seríuna og upp í þátt 20 í seríu 2 og er orðin algerlega hooked og ástfangin. Elska allar typurnar, Meredith, George, Izzie og síðast en ekki síst Dr. McDreamy. Men ó men hvað hann er handsome. Tónlistin í þáttunum er líka snilld, ekkert nema skemmtileg lög. Svo skemmir ekki heldur fyrir að þættirnir gerast í Seattle og þeir eru uppfullir af flottum skotum yfir borgina þar sem við strákurinn verðum kannski bráðum aftur.

Hversdagurinn

2007-02-16T11:53:00.000Z

Það er svo fyndið hvað maður er stundum alveg blankó þegar kemur að þessu blessaða bloggi. Það sem manni langar mest að skrifa er kannski ekkert svo sniðugt að láta frá sér á öldur ljósvakans og það kemur bara alls ekkert upp í hugann sem gæti komið í staðinn. Það er líka fyndið hvað maður heldur stundum að maður þekki fólk á því að lesa bloggin þeirra en það gæti í raun ekki verið fjær sannleikanum. Það sem skiptir mann mestu máli setur maður ekki á bloggið.

Að lokum vil ég hvetja alla til að kjósa mig sem kynþokkafyllstu konu Íslands á Rás 2.

Nytt, nytt

2007-02-10T00:15:00.000Z

Já það er aldeilis viðbrögð sem tvær síðustu færslur hafa fengið.
En nóg um það...

...og tökum nú upp léttara hjal.

Hvað finnst fólki um greyið Önnu Nichole Smith? Bara dáin og það á Hard Rock hotel and Casino... ekki mjög virðulegt það. Greyið sem var einu sinni svo sæt, giftist eldgömlum milljarðamæringi, fékk ekki krónu þegar gamla gerpið hrökk upp af, varð svo spik-feit, misnotaði eiturlyf, varð mjó, varð ólétt, missti son sinn og deyr svo frá litlu dóttur sinni eftir að hafa verið í ET nánast upp á hvern dag í fimm mánuði. Þetta er ótrúlegt lífshlaup og ekki eitthvað sem mann langar að leika eftir. Pínu hyskis-lykt af þessu öllu eitthvað. Er ekkert ofsalega hrifin...

28+8

2007-02-07T19:06:00.000Z

Það er þannig þessa fyrstu daga febrúar að það er skammt stórra högga á milli í hátíðis- og tillidögum hjá Grettisgötu hjúunum. Helst ber að nefna afmæli hjá húsbóndanum, 28 ár hvorki meira né minna, og þar sem ég var svo sniðug að næla mér í hann viku áður en hann átti tvítugsafmæli þá helst sambandsárafjöldin í hendur við afmælisaldurinn. 28 ár þýða 8 ára afmæli sambandsins. Við erum búin að vera hlið við hlið nánast þriðjung ævinnar. Sem mér finnst ótrúlegt. Í tilefni af tillidögunum þá er planið að fara út að borða á laugardagskvöldið, frúin er búin að panta borð á afskaplega leynilegum stað.

Það sem ber hæst þessa daga í skólanum er náttúrulega þessar blessuðu kosningar til SHÍ. Ég er búin að kjósa og átti í nokkrum vandræðum með hvar ég ætti að setja krossana minn. Held samt að þeir hafi ratað á rétta staði. Ég er annars frekar ósátt við fyrirkomulagið á þessu.
Finnst ekki heillandi til þess að hugsa að einhver fylkinganna nái meirihluta.
Finnst ekki heillandi þessi barátta innan skólans.
Finnst ekki heillandi að allt púðrið fari í það að ná völdum en minna púður í aðgerðir eftir kosningar.
Ég vildi óska að staðan gæti verið óbreytt eftir kosningarnar, að stóru fylkingarnar tvær vinni saman að skipulagningu mála og að bættum hag stúdenta. Ég dáist þó að fólkinu sem nennir að standa í þessari hagsmunabaráttu, ég er einfaldlega allt of löt til að nenna einhverju svona. Vonandi heldur eldmóðurinn áfram eftir kosningarnar og vonandi halda frambjóðendur áfram að berjast fyrir hagsmunum stúdenta af jafn miklum krafti og þeir berjast fyrir eigin yfirráðum og völdum innan Stúdentaráðs.

Takið eftir, takið eftir!!

2007-02-04T21:34:00.000Z

Já krakkar mínir nú er sko allt að gerast. Hann Sigurjón var að gera svo svakalega sniðugt á síðunni hjá sér að ég varð að herma eftir honum.

Málið er að mann langar alltaf að vita hverjir eru að lesa síðuna hjá manni og mann langar líka að lesa þá sem lesa mann. Þannig að mig langar að biðja þá sem lesa þessa síðu og eru líka með blogg að "líma" slóðina á síðuna hjá sér í kommentakerfið. Þeir sem eru með link hérna vinstra meginn þurfa af augljósum ástæðum ekki að láta vita af sér.

Þannig að:
1. Allir sem eiga blogg og lesa þetta verða að kvitta með slóðinni sinni
2. Allir sem lesa þetta blogg en eru ekki að blogga eiga líka að kvitta fyrir

Allir að vera með. Það er bannað að laumu-lesa!

Status

2007-01-28T21:23:00.000Z

* Ég er komin með 50 vini á myspace
* Sem mér finnst ótrúlegur árangur
* Og þetta eru ekki allt hljómsveitir
* Og það bíða 4 eftir að verða samþykktir sem vinir
* Er komin með ýkt fínt layout
* Og slatta af myndum
* Ég er búin að eiga fína helgi
* Er samt á mega deadline með greinina fyrir Stúdentablaðið
* Er þá ekki um að gera að blogga smá
* Fórum á Babel á laugardagskvöldið
* Hún var geggjuð
* Christína og Oddgeir komu í mat til okkar á föstudagskvöldið
* Þau eru alltaf voða hress
* Hittum Ísak og Pálínu í lunch í dag
* Alltaf gaman að hitta þau, allt of langt síðan síðast
* Komum við í bakaríinu á leiðinni til baka og keyptum kökur
* Og tróðum þeim í okkur þegar við komum heim
* Er búin að þjást af krónískum höfuðverk í of marga daga
* Annars eru allir hressir
* Luv from 101

Athyglisbresturinn

2007-01-27T16:23:00.000Z

Ég hef stundum á tilfinningunni að ég þjáist af athyglisbresti. Næ engan veginn að einbeita mér og ef ég hef ekki áhuga á því sem er að gerast í kringum mig eða kem auga á eitthvað meira spennandi þá er ég strax búin að tapa þræðinum. Það er sérstaklega mikið búið að bera á þessu á síðustu önn og byrjuninni á þessari. Það sem er helst að trufla mig í tímum er nefninlega hin afskaplega heillandi táknmálstúlkur sem er að túlka fyrir einn strákinn í bekknum. Ég dett stundum inn í það að glápa alveg á hana og verð alveg heilluð af ótrúlegri handafærni hennar. Góni alveg tímunum saman og heyri EKKERT hvað kennarinn er að segja. Frekar steikt.

Hef líka ótrúlega lítið lært þessa skóladaga sem liðnir eru. Er búin að hafa miklu meiri löngun til að standa í allskyns föndri, prjóni og saumi til skiptis, og er líka búin að afreka ýmislegt á þessum dögum. Búin að sauma mér einn bol, prjóna annan og fleira fínerí. Er núna að prjóna barnapeysu fyrir litlu dóttur vinkonu minnar sem er væntanleg í heiminn alveg á næstu dögum vonandi. Hlakka ótrúlega mikið til að sjá hana litla krílið.

Annars allt fínt að frétta. Allir voða glaðir.

Punktar once again

2007-01-23T20:53:00.000Z

* Ég á Hendrikku Waage hring alveg eins og á myndinni
* Sem strákurinn gaf mér
* Og ég er ýkt sátt með hann
* Hringinn og strákinn
* Er hann ekki flottur?
* Ég hitti galdrakarl í dag
* Og hann lét mig svitna og öskra
* Og ég er ekki lengur með gigt í mjöðminni
* Ég fór líka í nudd í morgun
* Og er að fara í andlitsbað í fyrramálið
* Í boði Ketils
* Er búin að vera ótrúlega þreytt í nokkra daga
* Er farin að þurfa svefn á við ungabarn
* Seriously ...8 tímar eru ekki nóg fyrir mig!
* Erum að fá Chris rokk-kóng og Odda í mat til okkar á föstudaginn
* Þá verður sko kátt í höllinni
* Ég er ekki alveg að meika pollana sem eru úti um allt
* Er búin að vera blaut í lappirnar í tvo daga
* Rannveig mágkona var hjá okkur í gær í heimsókn
* Er búin að vera órúlega dugleg að versla bara í Bónus á nýja árinu
* Langar að fara og sjá Babel
* Geri það kannski um helgina
* Dagskrá vikunnar er pökkuð
* Og ég á ennþá eftir að finna út hvenær ég á eiginlega að læra
* Mig langar ótrúlega mikið til að hitta Erlu, Auði og company á kaffihúsi bráðum
* Hvað segið þið um það skvísur?

Hvað er að gerast?

2007-01-19T15:56:00.000Z

Kuldinn hérna í höfuðborginni er við það að drepa mig. Ég þarf að klæða mig nánast í öll mín föt á morgnanna áður en lagt er í hann (ókei smá ýkt) og dúða mig með treflum (já fleirtölu!), húfu og vettlingum. Nú væri sko ljúft að vera staddur á einhverjum þeirra yndislegu staða sem við heimsóttum á liðnu ári, það væri eiginlega best að vera japanski gaurinn í Heroes og geta teleportað sér til Thailands með hugarorkunni einni saman á núlleinni. Ég væri sko á sundlaugarbakka með feitan kokteil í hendinni að láta nudda mig eða lakka á mér táneglurnar.

Svo að við afgreiðum meinhornið svona fyrir helgina þá verð ég að segja að ég er eiginlega pínu hissa á því hvað fólk er dónalegt og sjálfsmiðað svona á nýju ári. Setti engin annar en ég áramótaheit um að verða betri manneskja? Kannski er þetta kuldinn sem fer svona í fólk, gerir fólk dónalegt og frekt. Ég veit það ekki, kannski...

Er annars búin að hafa það fínt. Fín helgi framundan með smá vinnu á Vorinu í kvöld og útskriftarteiti á morgun hjá honum Binna. Markaðsmaðurinn mikli er officially komin með gráðuna sína. Sem minnir mig á skemmtilegar samræður sem ég átti við hann, Inga og Indriða frekar seint um kvöld, eða snemma um morgun kannski frekar. Good times, good times...

Helgin

2007-01-15T11:57:00.000Z

Nú þegar lífið hefur komist í samt lag eftir hátíðarhöldin miklu þá er ekki fjarri lagi að fara aftur að blogga um aktívitet helgarinnar. Það kveður þó við annan tón núna þar sem frúin stendur í detoxinu og var helgin því rólegri sem því nemur. Á föstudagskvöldið fórum við strákurinn á þessa sýningu á Foreldrum, sem var æðisleg. Eftir sýningina skelltum við okkur svo á La Primavera og fengum okkur smá að borða. Á laugardaginn vorum við í stússi frameftir degi, Sólveig og Hólmar komu í heimsókn og svo fór ég að vinna á fyrrnefndum stað. Það var rosa mikið að gera og var ég því niðri í bæ til hálf þrjú. Á sunnudaginn tók við meira stúss, heimsókn til ömmu og tripp í íbúðina hjá Steinunni.

Eitt sem sló mig um helgina og það var hvað fólk er búið að tískuvæðast í drykkjarvali á börum. Á Prima á laugardaginn afgreiddi ég óendanlegt magn af mojito og g&t. Fólk drekkur eiginlega ekki annað. Þetta er orðið svo slæmt að ég varð hálf pirruð á þessu, miðaldra karlar að halda að þeir séu töffarar að panta "g-t"! Af hverju reynir fólk ekki að prófa eitthvað nýtt eða fara alveg í old school drykkina? Hvað varð um kaftein í kók? Einu sinni voru allir að drekka það. Eða af hverju fer fólk ekki að drekka vodka í trönuberjasafa (sem er mjög gott) eða eitthvað annað af óendanlegu úrvali baranna. Ég ætla allavegana að reyna að koma af stað "g&t-uppreisninni" og hætta að drekka það sem og mojito-inn góða. From now on (þ.e. eftir detoxið) ætla ég að reyna að fá mér eitthvað nýtt á barnum í hvert skipti. The g&t-tímabil is over!

Detox January

2007-01-12T13:58:00.000Z

Já gott fólk. Það er komið að því. Sukkið, ólifnaðurinn og viðbjóðurinn hefur náð hámarki og því komin tími til að staldra við og hugsa sinn gang. Það er í raun komið að skuldadögum. Sumum af viðbjóðnum getur maður reynt að gleyma, reynt að láta eins og það hafi aldrei gerst (sukk og vibbi) annað er þannig gert að það kemur að bókstaflegum skuldadögum (visa). Janúar mánuður skal því helgaður heilbrigðara líferni, samvistum með eiginmanni og vinum, skólabókalestri og detoxi. Batnandi konu er best að lifa og skal það vera mottó mitt fram í Febrúar.

Skólinn er líka byrjaður með öllu sem því fylgir. Allar einkunnir komnar í hús fyrir haustönnina nema ein, stundaskráin er ekkert of brutal og mér tókst í morgun að komast í eina tímann sem er kl. 8. Það er s.s. allt að gerast. Er reyndar búin að komast að því, eftir ævintýri morgunsins í gaddinum, að ég þyrfti helst að fjárfesta í mannbroddum eða betri skófatnaði til að komast betur leiðar minnar. Þessi snjór ekkert að gera of góða hluti. Verst að búðirnar eru fullar af útsöludóti og ekkert almennilegt til.

Er annars að fara með husbandinu á forsýningu á Foreldrum í kvöld. Fékk óvænt tvo miða og ætla að skella mér og bjóða stráknum með. Svo er aldrei að vita hvað gerist.

Have a nice weekend!!

Frímann

2007-01-10T12:56:00.000Z

Síðasti dagurinn í fríi áður en alvaran tekur við og skólinn byrjar á fullu. Ég er eitthvað svo full bjartsýni, 2007 verður frábært ár. Hlakka ótrúlega mikið til að takast á við öll þau verkefni sem liggja fyrir, sum sem ég er búin að bíða eftir að fá að takast á við frekar lengi og svo eru önnur sem eru nýtilkomin. Er búin að hafa það rosa fínt í fríinu, búin að sofa út, hitta vinkonur mínar og hafa það huggulegt. Verkefni næstu daga verður svo að snúa sólarhringnum aftur við og reyna að vakna fyrir kl. 11.

Myndir

2007-01-04T15:06:00.001Z

Frá áramótagleðinni eru komnar inn á myndasíðuna.

Áramótaheitið

2007-01-04T09:52:00.000Z

Ég er ekki mikið fyrir það að strengja áramótaheit. Gleymi því oftast en ef ég gerist svo djörf að finna mér eitthvað flott heit þá er ég oftast búin að gleyma því áður en Janúar er liðinn. Það er því kannski bara best að strengja almenn heit og kannski nokkur þannig að maður gæti mögulega slysast til að uppfylla allavegna einhvern smá part eða hluta þegar árið líður. Mér datt þess vegna í hug að "skjalfesta" nokkur atriði hér þannig að maður gæti, þegar árið er liðið, farið yfir þau og metið hvernig tókst til. Hérna eru drög að mínum 10 heitum sem ég ætla að reyna að vinna í áttina að á þessu ári:

1. Ég ætla að vera duglegri að læra

2. Ég ætla að vera ennþá betri við fólkið mitt

3. Ég ætla að koma lagi á fjármálin

4. Ég ætla að reyna að fara 2x til útlanda

5. Ég ætla að reyna að drekka minna kaffi og fá mér te í staðinn

6. Ég ætla að reyna að drekka minna áfengi

7. Ég ætla að hætta að láta fólk fara í taugarnar á mér

8. Ég ætla að hætta að taka nærri mér þegar fólk kemur illa fram við mig

9. Ég ætla að lesa meira

10. Ég ætla að vera duglegri að hitta vini mína

Það verður svo bara að koma í ljós hvernig það gengur að standa við þetta allt. Þetta eru allavegana fín boðorð til að hafa sem leiðarljós á árinu, svona ásamt því að vinna að því að verða betri manneskja.